ନୂଆଦିଲ୍ଲୀ(୩.୧୦.୨୨) : ଦୀର୍ଘ ୮ ବର୍ଷ ପରେ ଭାରତର ପ୍ରଥମ ମଙ୍ଗଳଯାନ ଅଭିଯାନର ଅନ୍ତ ଘଟିଛି । ଅର୍ବିଟର ମହାକାଶଯାନରୁ ଇନ୍ଧନ ଓ ବ୍ୟାଟେରୀ ଶେଷ ହେବା ପରେ ଭୂ-ପୃଷ୍ଠରେ ଥିବା ଷ୍ଟେସନ ସହିତ ତାହାର ଯୋଗା ଯୋଗ ବିଚ୍ଛିନ୍ନ ହୋଇଛି । ୨୦୧୩ ନଭେମ୍ବର ୫ରେ ପିଏସଏଲଭି ସି-୨୫ ରକେଟ ସହାୟତାରେ ୪୫୦ କୋଟି ଟଙ୍କା ମାର୍ସ ଅର୍ବିଟର ମିଶନ ମହାକାଶକୁ ପ୍ରକ୍ଷେପଣ କରାଯାଇଥିଲା । ପ୍ରାୟ ୨୯୮ ଯାତ୍ରା ପରେ ୨୦୧୪ରେ ସେପ୍ଟେମ୍ବର ୨୪ରେ ବେଜ୍ଞାନୀକମାନେ ପ୍ରଥମ ପ୍ରୟାସରେ ଏହାକୁ ମଙ୍ଗଳ କକ୍ଷରେ ସ୍ଥାପନ କରିଥିଲେ । ତେବେ ମଙ୍ଗଳଗ୍ରହର ଭୂ-ପୃଷ୍ଟରେ ଥିବା ପରିବେଶ, ସେଠାକାର ଖଣିଜ ପଦାର୍ଥ ଓ ଏହାର ଆକୃତି ସମ୍ପର୍କରେ ତଥ୍ୟ ହାସଲ କରିବା ଥିଲା ଏହି ଅଭିଯାନର ଲକ୍ଷ । ବିଶ୍ୱର ଚତୁର୍ଥ ଏବଂ ଏସିଆ ମହାଦେଶର ପ୍ରଥମ ରାଷ୍ଟ୍ର ଭାବେ ଭାରତ ଏହି ସଫଳତା ହାସଲ କରିଥିଲା । ଏହାର ଜୀବନକାଳ ୬ ମାସଥିଲା । କିନ୍ତୁ ଏହା ୮ ବର୍ଷ ହେବ କାର୍ଯ୍ୟ କରୁଥିଲା । ଯାହା ବୈଜ୍ଞାନୀକ ମାନଙ୍କୁ ଚକିତ କରିଥିଲା । ୮ ବର୍ଷ ହେବ ଏହି ଯାନ ମଙ୍ଗଳ ପୃଷ୍ଟର ତଥ୍ୟ ବୈଜ୍ଞାନୀକ ମାନଙ୍କୁ ଦେଉଥିଲା । ତେବେ ଏହି ଯାନକୁ ଇନ୍ଧନ ପଠାଇବା ପାଇଁ ବୈଜ୍ଞାନୀକ ମାନେ ଅନେକ ଉଦ୍ୟମ କରିଥିଲେ । କିନ୍ତୁ ତାହା ସମ୍ଭବ ହୋଇନଥିଲା । ଯାହା ଫଳରେ ଭାରତର ପ୍ରଥମ ମଙ୍ଗଳ ଅଭିଯାନ ଶେଷ ହୋଇଛି । ଏବେ ବୈଜ୍ଞାନୀକ ମାନେ ୨ୟ ଯାନ ପାଇଁ ପ୍ରୟାସ ଆରମ୍ଭ କରିଛନ୍ତି ।