ନୂଆଦିଲ୍ଲୀ: ବହିଷ୍କୃତ ହେଲେ ଚାଟ୍ଜିପିଟି ତିଆରି କରିଥିବା କମ୍ପାନୀ ଓପନ୍ ଏଆଇର ସିଇଓ। ଶୁକ୍ରବାର ବିଳମ୍ବିତ ରାତିରେ ବୋର୍ଡ ସ୍ୟାମ୍ ଅଲ୍ଟମ୍ୟାନ୍ଙ୍କୁ ପଦରୁ ହଟାଇ ଦେଇଛି। ସେ କମ୍ପାନୀର କୋ-ଫାଉଣ୍ଡର ମଧ୍ୟ ଥିଲେ। ତାଙ୍କ ସ୍ଥାନରେ ଏବେ ଜଣେ ଭାରତୀୟ ବଂଶୋଦ୍ଭବ ମହିଳା କାମ କରିବେ। ଓପନ ଏଆଇର ମୁଖ୍ୟ ଟେକ୍ନୋଲୋଜି ଅଫିସର୍ ମୀରା ମୂର୍ତ୍ତି ବର୍ତ୍ତମାନ ମଧ୍ୟବର୍ତ୍ତୀକାଳୀନ ସିଇଓ ଭାବରେ କାର୍ଯ୍ୟ କରିବେ।
ତେବେ ଖୁବଶୀଘ୍ର ସ୍ଥାୟୀ ସିଇଓ ଖୋଜାଯିବ ବୋଲି କମ୍ପାନୀ କହିଛି। ଏହି ଘୋଷଣା ଓପନ୍ ଏଆଇ କର୍ମଚାରୀଙ୍କୁ ଆଶ୍ଚର୍ଯ୍ୟ କରିଦେଇଛି। କମ୍ପାନୀ ଏକ ବ୍ଲଗରେ ପ୍ରକାଶ କରିଛି ଯେ ଓପନ ଏଆଇ ବୋର୍ଡକୁ ଆଲଟମ୍ୟାନଙ୍କ ଉପରେ ଆଉ ବିଶ୍ୱାସ ନାହିଁ। ତାଙ୍କର ନେତୃତ୍ୱ ଦକ୍ଷତା ଉପରେ ବୋର୍ଡର ବିଶ୍ୱାସ ନ ଥିଲା। ଏହାର ମୁଖ୍ୟ କାରଣ ବୋର୍ଡ ସଦସ୍ୟ ଏବଂ ସୋମଙ୍କ ମଧ୍ୟରେ ଯୋଗାଯୋଗର ଅଭାବ ବୋଲି କୁହାଯାଏ।
https://x.com/sama/status/1725631621511184771?s=20
ସେପଟେ ପୂର୍ବତନ ସିଇଓ ଅଲ୍ଟମ୍ୟାନ ଟୁଇଟ କରିଛନ୍ତି ଯେ ମୁଁ ଓପନ ଏଆଇରେ ବିତାଇଥିବା ସମୟକୁ ଭଲ ପାଏ। କମ୍ପାନୀରେ ଦକ୍ଷ ବ୍ୟକ୍ତିଙ୍କ ସହ କାମ କରି ମୁଁ ଅଧିକ ଉପଭୋଗ କରିଛି। ଇସ୍ତଫା ଏକ ପରିବର୍ତ୍ତନଶୀଳ ନିଷ୍ପତ୍ତି ଥିଲା। ମୁଁ ବର୍ତ୍ତମାନ କ’ଣ କରିବି, ପରେ କ’ଣ ହେବ ମୁଁ ଆପଣଙ୍କୁ ଜଣାଇବି।
ସୂଚନା ଥାଉ କି, ଗତ ବର୍ଷ ୩୮ ବର୍ଷୀୟ ସାମ ଅଲ୍ଟମ୍ୟାନ୍ ଚର୍ଚ୍ଚାକୁ ଆସିଥିଲେ। ସେ ଏଆଇ ଆଧାରିତ ଚାଟ୍ଜିପିଟିକୁ ତିଆରି କରିଥିଲେ। ଏହା ବିଶ୍ୱର ସବୁଠାରୁ ଦ୍ରୁତ ଗତିରେ କାମ କରୁଥିବା ସଫ୍ଟଓ୍ୱେୟାର ଥିଲା।
