ନୂଆଦିଲ୍ଲୀ (୫.୧୦.୨୨) : ଟ୍ରେନ୍‌ରେ ଯାତ୍ରା କରୁଥିବା ଯାତ୍ରୀଙ୍କ ପାଇଁ ବଡ ଝଟକା । ପ୍ଲାଟଫର୍ମ ଟିକେଟ୍ ମୂଲ୍ୟ ତିନି ଗୁଣା ବୃଦ୍ଧି ହୋଇଛି । ବର୍ତ୍ତମାନ ଦିଲ୍ଲୀରେ ପ୍ରମୁଖ ଷ୍ଟେସନମାନଙ୍କରେ ଯାତ୍ରୀମାନଙ୍କୁ ଅଧିକ ୩ ଗୁଣା ଟଙ୍କା ଦେଇ ପ୍ଲାଟ ଫର୍ମ ଟିକେଟ କିଣିବାକୁ ପଡିବ । ପୂର୍ବରୁ ଯେଉଁଠାରେ ୧୦ ଟଙ୍କା ଯାତ୍ରୀମାନଙ୍କୁ ଦେବାକୁ ପଡୁଥିଲା ସେଠାରେ ଏବେ ୩୦ ଟଙ୍କା ଦେବାକୁ ପଡିବ । ପାର୍ବଣରେ ରେଳ ଟିକେଟ ବଢିଛି ଏହି ସମୟରେ ବହୁ ଜନ ସମାଗମ ହୋଇଥିଲା । ଯାତ୍ରୀମାନଙ୍କ ସମ୍ପର୍କୀୟମାନେ ଅଧିକ ସଂଖ୍ୟାରେ ଆସୁଥିଲେ । ଏହାକୁ ଦୃଷ୍ଟିରେ ରଖି ରେଳ ଷ୍ଟେସନରେ ଭିଡ କମାଇବାକୁ ରେଳ କର୍ତ୍ତୃପକ୍ଷ ଏପରି ପଦକ୍ଷପ ନେଇଛନ୍ତି । ଆଗାମୀ ଛଟ ପୂଜା ପର୍ଯ୍ୟନ୍ତ ପ୍ଲାଟଫର୍ମ ଟିକେଟ ୩୦ ଟଙ୍କା ରହିବ ବୋଲି ଜଣା ପଡିଛି । ଏହା ପୂର୍ବରୁ ୨ ବର୍ଷ ଗୁଡିକରେ , ଦୀପାବଳି ଏବଂ ଛଟ ପୂଜା ସମୟରେ ପ୍ଲାଟଫର୍ମ ଟିକେଟ ବିକ୍ରି ଉପରେ ପ୍ରତିବନ୍ଧକ ଲଗାଯାଇଥିଲା । ପ୍ଲାଟଫର୍ମରେ କେବଳ ଯତ୍ରୀ ମାନଙ୍କୁ ଅନୁମତି ଦିଆଯାଇଥିଲା । କରୋନା ଅବଧିରେ ପ୍ଲାଟଫର୍ମ ଟିକେଟ ୫୦ ଟଙ୍କା ଥିଲା ।