ଆଇକନିକ୍ ଫିଲ୍ମ ‘୩ ଇଡିଅଟସ’କୁ ପୂରିଲା ୧୧ ବର୍ଷ

ମୁମ୍ୱାଇ: ଆଇକନିକ୍ ଫିଲ୍ମ ‘୩ ଇଡିଅଟସ’କୁ ପୂରିଲା ୧୧ ବର୍ଷ । ଅମିର ଖାନ, ଆର ମାଧବନ, କରିନା କପୁର, ଶର୍ମନ ଯୋଶୀ ଏବଂ ବମନ ଇରାନୀଙ୍କ ଅଭିନୀତ ଫିଲ୍ମକୁ କ୍ରିଟିକ ଏବଂ ଦର୍ଶକଙ୍କ ଦ୍ୱାରା ବେଶ ପ୍ରଶଂସା କରାଯାଇଥିଲା । ଫିଲ୍ମର ଏପର୍ଯ୍ୟନ୍ତ ମଧ୍ୟ ଆଦର ରହିଛି । ଫିଲ୍ମର ନିର୍ଦ୍ଦେଶନା ଦେଇଥିଲେ ରାଜ କୁମାର ହିରାନୀ । ଫିଲ୍ମକୁ ୧୧ ବର୍ଷ ହେବା ଉପଲକ୍ଷେ ନିଜ ଭାବନାକୁ ଫ୍ୟାନ୍ସମାନଙ୍କ ସହ ବାଣ୍ଟିଛନ୍ତି ଆର ମାଧବନ । ନିଜ କ୍ୟାରିଅରର ଗୁରୁତ୍ୱପୂର୍ଣ୍ଣ ଫିଲ୍ମ ହେବା କଥା ମଧ୍ୟ କହିଛନ୍ତି ସେ । ସେ ଆହୁରି ମଧ୍ୟ କହିଥିଲେ ଯେ, ସେ ଯେତେବେଳେ ‘୩ ଇଡିଅଟସ’ର ସ୍କ୍ରିିପ୍ଟ ପଢ଼ିଥିଲେ, ଫିଲ୍ମଟି ହିଟ ହେବ ବୋଲି ଅନୁମାନ କରିପାରୁଥିଲେ ସେ ।