ଅଭିନେତ୍ରୀ ଆର୍ଯ୍ୟା ବାନାର୍ଜୀଙ୍କ ସନ୍ଦେହଜନକ ମୃତ୍ୟୁ

ନୂଆଦିଲ୍ଲୀ, ୨୦୨୦ରେ ବଲିଉଡର ଅନେକ କଳାକାରଙ୍କ ଦେହାନ୍ତ ହୋଇଛି । କିଏ ଆତ୍ମହତ୍ୟା କରିଛନ୍ତି ତ କିଏ କରୋନାରେ ଆକ୍ରାନ୍ତ ହୋଇ ମୃତ୍ୟୁବରଣ କରିଛନ୍ତି ତ କାହାର ସ୍ୱାସ୍ଥ୍ୟବସ୍ଥା ଖରାପକୁ ଯୋଗୁଁ ମୃତ୍ୟୁବରଣ କରିଛନ୍ତି । ଏହି ଲିଷ୍ଟରେ ଆଉ ଜଣେ ଅଭିନେତ୍ରୀଙ୍କ ନାମ ସାମିଲ ହୋଇଛି । ସେ ହେଉଛନ୍ତି ଅଭିନେତ୍ରୀ ଆର୍ଯ୍ୟା ବାନାର୍ଜୀ । ସନ୍ଦେହଜନକ ଅବସ୍ଥାରେ ତାଙ୍କର ମୃତ୍ୟୁ ହୋଇଥିବା ସୂଚନା ରହିଛି । ରକ୍ତ ଜୁଡୁବୁଡୁ ଅବସ୍ଥାରେ ତାଙ୍କର ମୃତ ଦେହ ଉଦ୍ଧାର କରାଯାଇଛି । ସେ କୋଲକାତାର ଯୋଧପୁର ପାର୍କ ଅଞ୍ଚଳରେ ଥିବା ଏକ ଆପାର୍ଟମେଣ୍ଟରେ ରହୁଥିଲେ । ଏହି ଖବର ପାଇ ପୋଲିସ କବାଟ ଭାଙ୍ଗି ଅଭିନେତ୍ରୀଙ୍କ ମୃତଦେହକୁ ବାହାର କରିଛି ।