ମୁମ୍ବାଇ (୨୭.୯.୨୨) : ବଲିଉଡ ଅଭିନେତ୍ରୀ ଆଲିଆ ଏବେ ହଲିଉଡରେ ନଜର ଆସିବେ । ସେ ଏବେ ହଲିଉଡ ଫିଲ୍ମରେ ଡେବ୍ୟୁ କରିବାକୁ ଯାଉଛନ୍ତି । ଫିଲ୍ମ ‘ହାର୍ଟ ଅଫ ଷ୍ଟୋନ’ରେ ସେ ସାମ୍ନାକୁ ଆସିଛନ୍ତି । ଆଲିଆଙ୍କ ଫ୍ୟାନ ମାନେ ଏହାକୁ ନେଇ ବହୁତ ଉତ୍ସାହିତ ଅଛନ୍ତି । ଏହା ନିଶ୍ଚିତ ଭାବରେ ଭାରତର ସିନେମା ପାଇଁ ଗର୍ବ । ହଲିଉଡ୍ ଫିଲ୍ମ ‘ହାର୍ଟ ଅଫ୍ ଷ୍ଟୋନ୍’ରେ ଗାଲ ଗୋଡେଟ୍ ଏବଂ ଜାମି ଡର୍ନାନଙ୍କ ପରି ବଡ଼ ବଡ଼ ତାରକାଙ୍କ ସହ ଆଲିଆଙ୍କୁ ଦେଖିବାକୁ ମିଳିବ। ଆଲିଆ ଭଟ୍ଟଙ୍କ ଏହି ଆକ୍ସନ୍ ଫିଲ୍ମ ୨୦୨୩ରେ ନେଟଫ୍ଲିକ୍ସରେ ରିଲିଜ୍ ହେବ। ନେଟଫ୍ଲିକ୍ସ ଏହି ଆକ୍ସନ୍ ଥ୍ରୀଲରର ପ୍ରଥମ ଲୁକ୍ ଜାରି କରିଛି। ୟୁଟ୍ୟୁବ୍ ଚ୍ୟାନେଲ୍ ଗ୍ଲୋବାଲ୍ ଫ୍ୟାନ୍ ଇଭେଣ୍ଟରେ ପ୍ରଥମ ଭିଡିଓ ମୁକ୍ତିଲାଭ କରିଥିଲା। ଏହା ବ୍ୟତୀତ ଆଲିଆ ଭଟ୍ଟ ଇନଷ୍ଟାଗ୍ରାମ ହଲିଉଡ୍ ଡେବ୍ୟୁର ପ୍ରଥମ ଲୁକ୍ ମଧ୍ୟ ସେୟାର କରିଛନ୍ତି। ଆଲିଆଙ୍କ ଏହି ଭିଡିଓରେ କିଛି ସଟ୍ ଅନ୍ତର୍ଭୁକ୍ତ କରାଯାଇଛି। ଫିଲ୍ମରେ ଆକ୍ସନ୍ ଲୁକରେ ଆଲିଆ ବହୁତ ସୁନ୍ଦର ଦେଖାଯାଉଛନ୍ତି। ହଲିଉଡ୍ ଅଭିନେତାଙ୍କ ସହିତ ଆଲିଆ ସ୍କ୍ରିନ ସୁନ୍ଦର ଲାଗୁଛନ୍ତି। ‘ହାର୍ଟ ଅଫ୍ ଷ୍ଟୋନ୍’ରେ ଆଲିଆଙ୍କ ଆକ୍ସନ୍ ବଲିଉଡ ସିନ୍ଠାରୁ ସମ୍ପୂର୍ଣ୍ଣ ଭିନ୍ନ। ଆଲିଆ ଏହି ହଲିଉଡ୍ ଫିଲ୍ମରେ ଅନେକ ଆକ୍ସନ୍ ସିନ କୁ ଯୋଦ୍ଧା ଭାବରେ କରୁଥିବାର ଦେଖିବାକୁ ମିଳିଛି।