ନୂଆଦିଲ୍ଲୀ, ଜାନୁଆରୀ ୪ରେ ସବୁ ଫର୍ମାଟର କ୍ରିକେଟରୁ ବିଦାୟ ନେଇଥିବା କ୍ରିକେଟର ଇରଫାନ ପଠାନ ଏବେ ଅଭିନୟ କରିବାକୁ ମନ ବଳାଇଛନ୍ତି । ସେ ଖୁବ ଶୀଘ୍ର ଏକ ତାମିଲ ଫିଲ୍ମରେ ନଜର ଆସିବେ । ଇରଫାନଙ୍କ ଅଭିନୀତ ତାମିଲ ଫିଲ୍ମଟି ହେଉଛି ‘କୋବ୍ରା’ । ଫିଲ୍ମଟିର ଟିଜର ଗତକାଲି ଅର୍ଥାତ ଜାନୁଆରୀ ୯ ତାରିଖରେ ରିଲିଜ କରାଯାଇଥିଲା । ଏନେଇ ଇରଫାନ ପଠାନ ଟ୍ୱିଟ କରି ଜଣାଇଥିଲେ । ତେବେ ଟିଜର ରିଲିଜ ହେବା ପରେ ଇରଫାନଙ୍କ ଅଭିନୟକୁ ଦର୍ଶକ ଖୁବ ପ୍ରସଂଶା କରିଛନ୍ତି । ଫିଲ୍ମରେ ଇରଫାନଙ୍କ ସହ ତାମିଲ ଅଭିନେତା ଚିୟାନ ବିକ୍ରମ ଲିଡ ରୋଲରେ ନଜର ଆସିବେ ।