ନୂଆଦିଲ୍ଲୀ : ଜରିନଙ୍କ ନାଁରେ ଗିରଫ ପରୱାନା। ବଲିଉଡ ଅଭନେତ୍ରୀ ଜରିନ ଖାନଙ୍କ ନାଁ ରେ ଆରେଷ୍ଟ ୱାରେଣ୍ଟ ଜାରି କରିଛି କୋଲକତାର ଏକ ଅଦାଲତ।
ତେବେ ଦଶହରା ବେଳେ କୋଲକତାରେ ଆୟୋଜିତ ନୃତ୍ୟ ସଙ୍ଗୀତ କାର୍ଯ୍ୟକ୍ରମକୁ ଅଗ୍ରୀମ ରଖି ନ ଆସିବା କାରଣରୁ ବଲିଉଡ୍ ଅଭିନେତ୍ରୀ ଜରିନ୍ ଖାନ୍ଙ୍କ ବିରୋଧରେ ୨୦୧୮ରେ ଆୟୋଜକମାନେ ଏକ ମାମଲା ରୁଜୁ କରିଥିଲେ। କିନ୍ତୁ କୋଲକତାର ନାରକେଲଡଙ୍ଗା ଥାନା ପୁଲିସର ବାରମ୍ବାର ସମନ ସତ୍ତ୍ବେ ସେ ହାଜର ହେଉ ନ ଥିଲେ। ମାମଲା କୋର୍ଟକୁ ଯାଇଥିଲା ଓ ଶେଷରେ ଜରିନଙ୍କ ବିରୋଧରେ ସିଆଇଦା କୋର୍ଟ ଗିରଫ ପରୱାନା ଜାରି କରିଛନ୍ତି।
ତଦନ୍ତକାରୀ ଅଧିକାରୀ ମଧ୍ଯ କୋର୍ଟରେ ଅଭିଯୋଗ ଫର୍ଦ୍ଦ ଦାଖଲ କରିଥିଲେ। ଏଥିରେ ଦର୍ଶାଯାଇଥିଲା ଯେ ଜରିନ ଜାମିନ ଲାଗି ଆବେଦନ କରି ନାହାନ୍ତି କିମ୍ବା ହାଜର ହେଉ ନାହାନ୍ତି । ସମନ ଏଡାଇବା କାରଣରୁ ମାମଲାର ପ୍ରାୟ ୭ ବର୍ଷ ପରେ ତାଙ୍କ ବିରୋଧରେ ଗିରଫ ପରୱାନା ଜାରି କରାଯାଇଛି ।
