ଓଟିଟି ପ୍ଲାଟଫର୍ମରେ ରିଲିଜ ହେବ ଫିଲ୍ମ ‘ତ୍ରିଭଙ୍ଗ’

ମୁମ୍ବାଇ, କରୋନା ମହାମାରୀ କାରଣରୁ ଦେଶର ବିଭିନ୍ନ ସ୍ଥାନରେ ଥିବା ପ୍ରେକ୍ଷାଳୟକୁ ବନ୍ଦ କରିଦିଆଯାଇଛି । କିନ୍ତୁ ସିନେମାଗୁଡିକୁ ଅନଲାଇନ ପ୍ଲାଟଫର୍ମ ଜରିଆରେ ରିଲିଜ କରାଯାଉଛି ଏବଂ ଦର୍ଶକମାନେ ଘରେ ଥାଇ ଫିଲ୍ମକୁ ଉପଭୋଗ କରୁଛନ୍ତି । ତେବେ ସିନେମା ପ୍ରେମୀଙ୍କ ପାଇଁ ଆଉ ଏକ ଖୁସିଖବର । ଖୁବ ଶୀଘ୍ର ଆଉ ଏକ ଫିଲ୍ମ ଅନଲାଇନ ପ୍ଲାଟଫର୍ମରେ ରିଲିଜ ହେବାକୁ ଯାଉଛି । ଫିଲ୍ମଟି ହେଉଛି ‘ତ୍ରିଭଙ୍ଗ’ । ଫିଲ୍ମର ନିର୍ଦ୍ଦେଶନା ଦେଇଛନ୍ତି ରେଣୁକା ସାହାଣେ । ଅଜୟ ଦେବଗନଙ୍କ ପ୍ରଡକ୍ସନ ହାଉସରେ ଫିଲ୍ମଟିକୁ ନିର୍ମାଣ କରାଯାଇଛି । ଫିଲ୍ମରେ କାଜୋଲଙ୍କ ସହ ନଜର ଆସିବେ ମିଥିଳା ପାଲକର,କୁନାଲ ରୟ କପୁର, ବୈଭବ, ତାନଭି ଆଜମି । ଫିଲ୍ମଟିକୁ ଜାନୁଆରୀ ୧୫ରେ ନେଟଫ୍ଲିକ୍ସରେ ରିଲିଜ କରାଯିବ । ଫିଲ୍ମ ’ତ୍ରୀଭଙ୍ଗ’ରେ କାଜୋଲଙ୍କୁ ଜଣେ ଓଡ଼ିଶୀ ଡ୍ୟାନ୍ସର ଭୂମିକାରେ ଦେଖିବାକୁ ପାଇବେ ଦର୍ଶକ । ନୂଆବର୍ଷ ଅବସରରେ ଏହି ଫିଲ୍ମର ଟିଜର ରିଲିଜ କରାଯାଇଛି ।