ଫିଟ ଆଣ୍ଡ ଫାଇନ ରେମୋ

ମୁମ୍ବାଇ: କିଛି ଦିନ ତଳେ ବଲିଉଡର ପ୍ରସିଦ୍ଧ କୋରିଓଗ୍ରାଫର ତଥା ଡାଇରେକ୍ଟର ରେମୋ ଡିସୁଜାଙ୍କ ହୃଦଘାତ ହେବାର ଖବର ଆସିଥିଲା ଯେଉଁକାରଣରୁ ରେମୋଙ୍କୁ ମୁମ୍ବାଇ କୋକିଲାବେନ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ଏବେ ସେ ପୂର୍ବପେକ୍ଷା ସ୍ୱସ୍ଥ ଅଛନ୍ତି ଏବଂ ହସ୍ପିଟାଲରୁ ଡିସଚାର୍ଜ ମଧ୍ୟ ହୋଇଯାଇଛନ୍ତି ।। ଏନେଇ ନିଜେ ରେମୋ ଡିସୁଜା ଏକ ଭିଡିଓ ଶେୟାର କରି ଜଣାଇଛନ୍ତି । ହସ୍ପିଟାଲରୁ ସୁସ୍ଥ ହୋଇ ଫେରିବା ପରେ ତାଙ୍କୁ ବହୁତ ଗୁଡିଏ ବେଲୁନ ମାଧ୍ୟମରେ ସ୍ୱାଗତ କରାଯାଇଥିବା ଭିଡିଓରେ ଦେଖିବାକୁ ମିଳିଛି । ସେ ନାଚି ନାଚି ସମସ୍ତ ଶୁଭାକାଂକ୍ଷିଙ୍କୁ ଧନ୍ୟବାଦ ଜଣାଇଛନ୍ତି। ସୋଶାଲ ମିଡିଆରେ ରେମୋଙ୍କ ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି ।