ସତୀଶ କୌଶିକଙ୍କ ମୃତ୍ୟୁକୁ ନେଇ ବଢୁଛି ସସପେନ୍ସ

ମୁମ୍ବାଇ (୧୩.୩.୨୩) :   ବଲିଉଡ ଅଭିନେତା ସତୀଶ କୌଶିକଙ୍କ ମୃତ୍ୟୁକୁ ନେଇ ସସପେନ୍ସ ବଢିବାରେ ଲାଗିଛି । ସତୀଶଙ୍କ ମୃତ୍ୟୁ ପରେ ତାଙ୍କ ସାଙ୍ଗ ବିକାଶ ମାଲୁ ଓ ତାଙ୍କ ଫାର୍ମ ହାଉସ ସନ୍ଦେହ ଘେରକୁ ଆସିଯାଇଛି । ଏପରି ସମୟରେ ବିକାଶ ମାଲୁଙ୍କ ପତ୍ନୀ ସାଂଘାତିକ ଅଭିଯୋଗ ଆଣିଛନ୍ତି । ଅଭିଯୋଗ ପରେ ଦିଲ୍ଲୀ ପୁଲିସ ତଦନ୍ତ ଆରମ୍ଭ କରିଛି । ବିକାଶଙ୍କ ଦ୍ୱିତୀୟ ପତ୍ନୀ କହିଛନ୍ତି ସତୀଶ କୌଶିକ ଓ ତାଙ୍କ ସ୍ୱାମୀ ବିକାଶଙ୍କ ବ୍ୟବସାୟିକ ସଂପର୍କ ହୋଇଥିଲା ଓ ଟଙ୍କାକୁ ନେଇ ବିବାଦ ରହିଥିଲା । ସତୀଶ କୌଶିକଙ୍କ ଠାରୁ ବିକାଶ ଆଣିଥିବା ୧୫ କୋଟି ଟଙ୍କା ଫେରାଇବାକୁ ଚାହୁଁନଥିଲେ । ସତୀଶ ଟଙ୍କା ମାଗିବାରୁ ୨୦୨୨ ଅଗଷ୍ଟର ଦୁଇ ଜଣଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଏହା ପରେ ସତୀଶଙ୍କୁ ରାସ୍ତାରୁ ହଟାଇବା ପାଇଁ ବ୍ଲୁ ପିଲ ଓ ରୁଷୀୟ ଝିଅଙ୍କୁ ବ୍ୟବହାର କରିବାକୁ ବିକାଶ ଯୋଜନା କରିଥିଲା ବୋଲି କହିଛନ୍ତି ତାଙ୍କ ଦ୍ୱିତୀୟ ପତ୍ନୀ । ତେଣୁ ମୃତ୍ୟୁ ଅଭିନେତା ସତୀଶଙ୍କ ମୃତ୍ୟୁ ପଛରେ ବିକାଶଙ୍କ ହାତ ଥିବା ସେ ଅଭିଯୋଗ କରିଛନ୍ତି । ଏହାଛଡା ଅଣ୍ଡରୱାର୍ଲଡ ଡନ ଦାଉଦ ଇବ୍ରାହିମଙ୍କ ସହ ବିକାଶର ସଂପର୍କ ଥିବା ଦାବି କରିଛନ୍ତି ତାଙ୍କ ଦ୍ୱିତୀୟ ପତ୍ନୀ ।