ବସ୍ ଦୁର୍ଘଟଣାରେ ୨୫ ମୃତ

ନୂଆଦିଲ୍ଲୀ (୫.୧୦.୨୨) : ଏକ ବରଯାତ୍ରୀ ବସ୍ ଘାଟି ତଳକୁ ଖସିପଡିବାରୁ ୨୫ ଜଣଙ୍କ ମୃତ୍ୟୁ ହୋଇଛି । ଉତ୍ତରାଖଣ୍ଡ ପୌଡି ଜିଲ୍ଲା ସିମଡି ଗାଁ ନିକଟରେ ଗତ କାଲି ଏହି ଦୁର୍ଘଟଣା ହୋଇଛି । ବରଯାତ୍ରୀ ବସରେ ୪୫ରୁ ଅଧିକ ଯାତ୍ରୀ ଥିଲେ । ସେମାନେ ହିଦ୍ୱାର ଜିଲ୍ଲାର ଲାଲଢାଙ୍ଗ ଅଞ୍ଚଳରୁ ପୌରି ଜିଲ୍ଲାର ବିରୋଖାଲକୁ ଆସୁଥିଲେ । ଏହି ଦୁର୍ଘଟଣା ରିଖନିଖାଲ-ବିରୋଖାଲ ରାସ୍ତାରେ ଟିମଡି ଗାଁ ନିକଟରେ ଘଟିଥିଲା । ବସଟି ଭାରସାମ୍ୟ ହରାଇ ଘାଟି ତଳକୁ ଖସି ପଡିଥିଲା । ଏହି ବସଟି ରାସ୍ତାରୁ ପ୍ରାୟ ୫୦୦ ମିଟର ତଳକୁ ଖସିଥିଲା । ଖବର ପାଇ ଧୂମକୋଟ ପୋଲିସ ଘଟଣା ସ୍ଥଳରେ ପହଞ୍ଚି ଥିଲା । ଏହା ପରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା । ୨୧ରୁ ଅଧିକ ଲୋକ ଆହତ ହୋଇଥିଲେ ଏମାନଙ୍କୁ ନିକଟସ୍ଥ ହସପିଟାଲକୁ ନିଆଯାଇଥିଲା ।