ପୂଜା ମଣ୍ଡପରେ ଅଗ୍ନିକାଣ୍ଡ ୩ ମୃତ

ଲକ୍ଷ୍ନୌ(୩.୧୦.୨୨) : ଉତ୍ତର ପ୍ରଦେଶର ଭଦୋହୀରେ ଏକ ଦୁର୍ଗାପୂଜା ପେଣ୍ଡାଳରେ ଅଗ୍ନିକାଣ୍ଡ ଘଟି ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୬୪ ଜଣ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ଦୁଇଜଣ ବାଳକ ଓ ଜଣେ ମହିଳା ଥିବା ଜଣାପଡିଛି । ରବିବାର ରାତି ୯ ଟା ବେଳେ ଏହି ଘଟଣା ଘଟିଥିଲା । ସେତେବେଳେ ମା’ଙ୍କ ଆରତି ଚାଲିଥିଲା । ଏବଂ ଏହି ମଣ୍ଡପରେ ୩୦୦ରୁ ଅଧିକ ଲୋକଙ୍କ ଭିଡ ଥିଲା । ବିଦ୍ୟୁତ ସର୍କିଟରୁ ଏହି ଅଗ୍ନିକାଣ୍ଡ ହୋଇଥିବା ତଦନ୍ତରୁ ଜଣା ପଡିଛି । ଏହି ଘଟଣା ପରେ ଭଦୋହୀ ଜିଲ୍ଲାପାଳଙ୍କ ସମେତ ଜିଲ୍ଲା ପ୍ରଶାସନର ସମସ୍ତ ବରିଷ୍ଠ ଅଧିକାରୀ ସେଠାରେ ପହଞ୍ଚିଥିଲେ । ପୋଲିସ ଓ ଅଗ୍ନିସମ ବାହିନୀ ନିଆଁ ଲିଭା କାମରେ ନିୟୋଜିତ ଥିଲେ । ଆହତ ମାନଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରାଯାଇଛି ।