ସେନାରେ ନିଯୁକ୍ତି ପାଇଁ ଅଗ୍ନିପଥ

ନୂଆଦିଲ୍ଲୀ (ଏଏନଏସ)୧୪/୦୬,ସେନାରେ ଭର୍ତ୍ତି ପାଇଁ ଅଗ୍ନିପଥ ଯୋଜନା । କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଅଗ୍ନିପଥ ଯୋଜନାର ଘୋଷଣା କରିଛନ୍ତି । ଏଥିରେ ଯୁବକମାନଙ୍କୁ ସ୍ୱଳ୍ପ ଅବଧିର ଚାକିରିର ସୁଯୋଗ ମିଳିବ । ଏହି ଯୋଜନାରେ ଯୁବଶକ୍ତି ଶସ୍ତ୍ର ବାହିନୀରେ ଯୋଗ ଦେଇ ଦେଶର ସେବା କରିପାରିବେ । ଏଥିପାଇଁ ଆବେଦନକାରୀଙ୍କ ବୟସ ୧୭ ବର୍ଷରୁ ୨୧ବର୍ଷ ହୋଇଥିବା ଆବଶ୍ୟକ । ଏହି ଯୋଜନାରେ ଚୟନ ହୋଇଥିବା ଯୋଗ୍ୟ ପ୍ରାର୍ଥୀଙ୍କୁ ଅଗ୍ନିବୀର କୁହାଯିବ । ଅଗ୍ନିବୀରଙ୍କୁ ପ୍ରଥମ ବର୍ଷରୁ ୩୦ରୁ୪୦ ହଜାର ଦରମା ଓ ଅନ୍ୟାନ୍ୟ ଭତ୍ତା ସହ ୪ଲକ୍ଷ୭୬ ହଜାର ପ୍ୟାକେଜରେ ଯୋଗଦେବେ ଅଗ୍ନିବୀର । ୪ର୍ଥ ବର୍ଷ ବେଳକୁ ଦରମା ୬ଲକ୍ଷ ୯୨ହଜାରକୁ ବୃଦ୍ଧିପାଇବ । ୪ବର୍ଷର ଚାକିରିକାଳର ଶେଷ ପରେ ନିଜଭାଗ ଓ ସୁଧସହ ୧୧ଲକ୍ଷ ୭୦ ହଜାର ଟଙ୍କା ପାଇବେ । ଅଗ୍ନିବୀର ପ୍ରାପ୍ତ କରିଥିବା କୌଶଳ ପାଇଁ ଏମାନଙ୍କୁ ଏକ ପ୍ରମାଣପତ୍ର ପ୍ରଦାନ କରାଯିବ । ଗତକିଛିବର୍ଷ ଧରି ପ୍ରତିରକ୍ଷା ବିଭାଗକୁ ଦୃଢ କରିବାକୁ ବିଭିନ୍ନ ପଦକ୍ଷେପ ଗ୍ରହଣ କରାଯାଉଛି । ଭାରତୀୟ ସେନାକୁ ବିଶ୍ୱର ଅନ୍ୟତମ ଶକ୍ତିଶାଳୀ ସେନା କରିବାକୁ ଅଗ୍ନିପଥ ଯୋଜନା ପ୍ରଣୟନ ହେଉଥିବା କହିଛନ୍ତି ପ୍ରତିରକ୍ଷା ମନ୍ତ୍ରୀ