ନିଲାମ ହୋଇଗଲା ଅନିଲ ଅମ୍ବାନୀଙ୍କ ରିଲିଆନ୍ସ କ୍ୟାପିଟାଲ

ନୂଆଦିଲ୍ଲୀ (27.4.23):ଦେଶରେ ଥିବା କିଛି ହାତଗଣତି ଶିଳ୍ପପତିଙ୍କ ମଧ୍ୟରେ ଅନୀଲ ଅମ୍ବାନୀ ଅନ୍ୟତମ । ଗୋଟିଏ ସମୟରେ ତାଙ୍କ ଦ୍ୱାରା ନିର୍ମାଣ କରାଯାଇଥିବା ରିଲିଆନ୍ସ ଗ୍ରୁପ ସାରା ଭାରତରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଥିବା ବେଳେ ଏବେ କିନ୍ତୁ ଅନୀଲ ଅମ୍ବାନୀ କରଜରେ ବୁଡି ଦେବାଳିଆ ହୋଇଯିବାକୁ ବସିଲେଣି । ଏହି କ୍ରମରେ ସବୁଠାରୁ ଅଧିକ ଋଣଭାରରେ ଥିବା ରିଲିଆନ୍ସ ଗ୍ରୁପର ରିଲିଆନ୍ସ କ୍ୟାପିଟାଲ ନିଲାମ ହୋଇଯାଇଛି । ଏକ ରିପୋର୍ଟରେ ଦାବି କରାଯାଇଛି କି, ଏହି କମ୍ପାନୀକୁ ଏବେ ହିନ୍ଦୁଜା ଗ୍ରୁପ କିଣି ନେଇଛି । ଦ୍ୱିତୀୟ ପର୍ଯ୍ୟାୟ ନିଲାମ ବେଳେ ହିନ୍ଦୁଜା ଗ୍ରୁପ ଏହାକୁ ୯୬୫୦ କୋଟି ଟଙ୍କାରେ କିଣିଥିବା କଥା କୁହାଯାଉଛି ।