ସାଂସଦ ସନ୍ନି ଦେଓଲଙ୍କୁ ୱାଇ କାଟଗୋରୀ ସୁରକ୍ଷା

ନୂଆଦିଲ୍ଲୀ: ବଲିଉଡ ଅଭିନେତା ତଥା ବିଜେପି ସାଂସଦ ସନ୍ନି ଦେଓଲଙ୍କୁ କେନ୍ଦ୍ର ଗୃହମନ୍ତ୍ରଣାଳୟ ପକ୍ଷରୁ ୱାଇ କାଟଗୋରୀ ସୁରକ୍ଷା ଯୋଗଇ ଦେଇଛନ୍ତି। ଏବେ ତାଙ୍କ ସହିତ କେନ୍ଦ୍ରୀୟ ସୁରକ୍ଷାବଳର ଏକ ଟିମ୍ ସବୁବେଳେ ରହିବ |ୱାଇ କାଟାଗୋରୀ ସୁରକ୍ଷା ଅନୁସାରେ, ତାଙ୍କ ସହିତ ୧୧ ଯବାନ ଓ ୨ ଜଣ ପିଏସଓ ରହିବେ। ସନ୍ନି ଦେଓଲ ପଞ୍ଜାବର ଗୁରୁଦାସପୁରରୁ ବିଜେପିର ସାଂସଦ ଅଛନ୍ତି।
ସୂଚନା ଅନୁସାରେ ସନ୍ନି ଦେଓଲଙ୍କୁ ଏହି ସୁରକ୍ଷା ତାଙ୍କର ଜୀବନ ପ୍ରତି ବିପଦ ଥିବାର ସୂଚନା ପାଇବା ପରେ ଦିଆଯାଇଛି |ନିକଟରେ ସନ୍ନି ଦେଓଲ ଟୁଇଟ୍ କରି କୃଷକ ଆନ୍ଦୋଳନ ଶେଷ କରିବା କଥା କହିଥିଲେ। ସେ କହିଥିଲେ, ମୁଁ ପୁରା ବିଶ୍ୱକୁ ଅନୁରୋଧ କରୁଛି ଏହା ଆମର କୃଷକ ଓ ସରକାରଙ୍କ ଭିତରର ମାମଲା । ତାଙ୍କ ଭିତରେ ନଆସନ୍ତୁ, କାରଣ ଚର୍ଚ୍ଚା ପରେ ଦୁହେଁ ନିଶ୍ଚିତ ରାସ୍ତା ବାହାର କରିବେ। ମୁଁ ଜାଣିଛି ବହୁ ଲୋକ ଏହାର ଲାଭ ଉଠାଇବାକୁ ଚାହାନ୍ତି ଓ ସମସ୍ୟା ସୃଷ୍ଟି କରିପାରନ୍ତି। ସେ କୃଷକ ବିଷୟରେ ଭାବୁନାହାନ୍ତି। ତାଙ୍କର ନିଜସ୍ୱ ଏଜେଣ୍ଡା ରହିଛି।’