ଦୁବାଇ,ପ୍ରତ୍ୟେକ ଦିନ ସୋସିଆଲ ମିଡିଆରେ ଭିନ୍ନ ଭିନ୍ନ ମଜାଳିଆ ଫଟୋ ଏବଂ ଭିଡିଓ ଭାଇରାଲ ହୋଇଥାଏ । ଏହିପରି ଏକ ଘଟଣା ଦୁବାଇର ଏକ ଡାକ୍ତରଖାନାରେ ଦେଖିବାକୁ ମିଳିଛି । ନିକଟରେ ଏକ ନବଜାତ ଶିଶୁ ଡାକ୍ତରଙ୍କ ମାସ୍କ ଟାଣୁଥିବାର ଚିତ୍ର ସମସ୍ତଙ୍କ ଦୃଷ୍ଟି ଆକର୍ଷଣ କରିଛି । ଦୁବାଇର ଜଣେ ଡାକ୍ତର ତାଙ୍କ ଇନ୍ଷ୍ଟାଗ୍ରାମରେ ଏକ ନବଜାତ ଶିଶୁର ଫଟୋ ସେୟାର କରିଥିଲେ । ଯେଉଁଥିରେ ଦେଖିବାକୁ ମିଳୁଛି କି ଶିଶୁଟି ଡାକ୍ତରଙ୍କ ମାସ୍କ ଟାଣୁଛି ।
ଏହି ଫଟୋଟିକୁ ଡାକ୍ତର ବର୍ତ୍ତମାନ ପରିସ୍ଥିତି ସହ ସମ୍ପର୍କ କରି ଫଟୋକୁ ସେୟାର କରିଛନ୍ତି । ସେ ଲେଖିଛନ୍ତି ଯେ, ପ୍ରତ୍ୟେକ ଲୋକ ଏବେ ଏକ ଚିହ୍ନ ଚାହୁଁଛନ୍ତି କି ସେମାନେ ନିଜର ମାସ୍କକୁ କାଢ଼ିପାରିବେ । ବର୍ତ୍ତମାନ ପରିସ୍ଥିତିକୁ ନଜରରେ ରଖି ଲୋକମାନେ ଏହାକୁ ‘ଆଶାର ଆଲୋକ’ ବୋଲି କହିଛନ୍ତି ।