କୋଭିଡ ଚିକିତ୍ସା ନୀତି ପରିବର୍ତ୍ତନ କଲେ କେନ୍ଦ୍ର ସରକାର

ନୂଆଦିଲ୍ଲୀ-08.05.2021, କରୋନା ସଂକ୍ରମଣ ଦିନକୁ ଦିନ ଦେଶରେ ବଢିବାରେ ଲାଗିଛି । ପ୍ରତିଦିନ ରେକର୍ଡ ସଂଖ୍ୟକ ଆକ୍ରାନ୍ତ ଚିହ୍ନଟ ହେଉଛନ୍ତି । କରୋନା ମହାମାରୀର ଏଭଳି ଗମ୍ଭୀର ସ୍ଥିତିକୁ ଦେଖି କୋଭିଡ ନୀତି ବଦଳାଇଲା କେନ୍ଦ୍ର ସ୍ବାସ୍ଥ୍ୟ ବିଭାଗ । ହସ୍ପିଟାଲରେ କୋଭିଡ ରୋଗୀଙ୍କ ଭର୍ତ୍ତି ହେବା ପାଇଁ ବଦଳିଲା ନିୟମ । କୋଭିଡ ହସ୍ପିଟାଲରେ ଭର୍ତ୍ତି ପାଇଁ କରୋନା ଟେଷ୍ଟ ବାଧ୍ୟତାମୂଳକ ନୁହେଁ । ପଜିଟିଭ ରିପୋର୍ଟ ନଥିଲେ ମଧ୍ଯ ସାମାନ୍ୟ ଲକ୍ଷଣ ଦେଖାଯାଉଥିଲେ ହସ୍ପିଟାଲରେ ଭର୍ତ୍ତି ହୋଇପାରିବେ । ରୋଗୀ ଯେକୌଣସି ଅଞ୍ଚଳର ହୋଇଥିଲେ ବି କୌଣସି ରୋଗୀଙ୍କୁ ସେବା ଦେବାକୁ ମନା କରିପାରିବେନି ହସ୍ପିଟାଲ । ନିର୍ଦ୍ଦିଷ୍ଟ ପ୍ରମାଣ ପତ୍ର ନଥିଲେ ମଧ୍ୟ ମିଳିବ ଚିକିତ୍ସା ।