ଫାଇଜର କରୋନା ଟିକାକୁ ଗ୍ରୀନ ସିଗ୍ନାଲ

ସିଙ୍ଗାପୁର, ବ୍ରିଟେନ, ବାହାରିନ ଓ ଆମେରିକା ପରେ ଫାଇଜର ପ୍ରସ୍ତୁତ କରିଥିବା କରୋନା ଟିକାକୁ ସିଙ୍ଗାପୁରରେ ଗ୍ରୀନ ସିଗ୍ନାଲ ମିଳିଛି। ଡିସେମ୍ବର ଶେଷ ଭାଗରେ ଏହାର ପ୍ରଥମ ଡୋଜ୍ ଲୋକଙ୍କୁ ଦିଆଯିବ ବୋଲି ସିଙ୍ଗାପୁର ପ୍ରଧାନମନ୍ତ୍ରୀ ଲି ସିଏନ ଲୁଙ୍ଗ ଘୋଷଣା କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ, ୨୦୨୧ର ୩ୟ କ୍ୱାର୍ଟର ସୁଦ୍ଧା ଦେଶର ସମସ୍ତ ୫.୭ ମିଲିୟନ ଲୋକଙ୍କୁ କରୋନା ଟିକା ପ୍ରଦାନ କରାଯିବ। ଏହାକୁ ଦେଶର ସମସ୍ତ ନାଗରିକ ଓ ସିଙ୍ଗାପୁରରେ ବସବାସ କରୁଥିବା ଲୋକଙ୍କୁ ସଂପୂର୍ଣ୍ଣ ଭାଗେ ମାଗଣାରେ ପ୍ରଦାନ କରାଯିବ । କରୋନା ଟିକା ନେବାକୁ କାହାକୁ ବାଧ୍ୟ କରାଯିବ ନାହିଁ । ଏହା ସ୍ୱେଚ୍ଛାକୃତ। ପ୍ରଥମ ଦଫାରେ ସ୍ୱାସ୍ଥ୍ୟକର୍ମୀ, ଅନ୍ୟ ଫ୍ରଣ୍ଟଲାଇନ ୱାର୍କର୍ସ ଓ ବୟସ୍କମାନଙ୍କର ଟିକା କରଣ କରାଯିବ ବୋଲି ସେ କହିଛନ୍ତି ।