କୋଚି (୮.୧୦.୨୨) : କେରଳର କୋଚି ସମୁଦ୍ର ମଝିରେ ଜବତ ହୋଇଛି ହେରୋଇନ । ବୋଟରେ ଚାଲାଣ ହେଉଥିବା ୨୦୦ କେଜି ହେରୋଇନ ଜବତ କରାଯାଇଛି ।  ଆଫଗାନିସ୍ତାନ ପ୍ରଡକ୍ଟ ଏହି ନିଶାଦ୍ରବ୍ୟ ପାକିସ୍ତାନ, ଭାରତ ଓ ଶ୍ରୀଲଙ୍କାରେ ବିକ୍ରି ହେବା ପାଇଁ ଯୋଜନା ହୋଇଥିଲା। ଜବତ ହୋଇଥିବା ହେରୋଇନର ଦାମ ୧୨,୦୦ କୋଟି ହେବା ନେଇ ଆକଳନ କରାଯାଉଛି। ଏକ ଇରାନୀୟ ବୋଟରେ ଏହି ହେରୋଇନ୍ ଚାଳାଣ ହେଉଥିବା ବେଳେ ଭାରତୀୟ ନୌସେନା ଓ ଏନସିବି ରାଡାରରେ ଧରାପଡ଼ିଥିଲା। ଭାରତୀୟ ନୌସେନା ଏବଂ ଏନସିବି ପକ୍ଷରୁ ମିଳିତ ଅପରେଶନ କରାଯାଇ ଏହି ବୋଟକୁ ଜବତ କରାଯାଇଥିଲା। ସେଥିରେ ଥିବା ୬ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ପ୍ରଥମେ ଏହି ନିଶାଦ୍ରବ୍ୟ ପାକିସ୍ତାନ ଅସିଥିଲା। ସେଠାରୁ ଭାରତ ଓ ଶ୍ରୀଲଙ୍କାରେ ବିକ୍ରି ପାଇଁ ଯୋଜନା ହୋଇଥିଲା। ଅତି ସତର୍କତା ଓ ଚତୁରତାର ସହ ଏହି ନିଶାଦ୍ରବ୍ୟ ଚାଲାଣ ହେଉଥିଲା। ୱାଟରପ୍ରୁଫ୍‌ ସିଷ୍ଟମରେ ୭ଟି ଲେୟର ଭିତରେ  ଅତି ସାବଧାନତାର ସହ ଏହାକୁ ରଖାଯାଇଥିଲା।  ଖବର ମିଳିବା ପରେ ଗୁରୁବାର ଉଭୟ ଭାରତୀୟ ନୌସେନା ଓ ଏନସିବି ପକ୍ଷରୁ ଅପରେଶନ ଅରମ୍ଭ ହୋଇଥିଲା। ଉକ୍ତ ବୋଟକୁ ଜବତ କରାଯିବା ପରେ ସେଥିରୁ ବ୍ୟାପକ ପରିମାଣରେ ହେରୋଇନ୍ ପ୍ୟାକକେଟ ଯବତ କରାଯିବା ସହ ୬ ଜଣ ଇରାନୀୟ ନାଗରିକଙ୍କୁ ଗିରଫ କରାଯାଇଥିବା ଏନସିବି ଅଧିକାରୀ ସଞ୍ଜୟ କୁମାର ସିଂହ କହିଛନ୍ତି ।