ଆଞ୍ଚଳିକ ଭାଷାରେ ଆୟୋଜନ ହେବ ଜେଇଇ ମେନ ପରୀକ୍ଷା : କେନ୍ଦ୍ର ଶିକ୍ଷାମନ୍ତ୍ରୀ

ନୂଆଦିଲ୍ଲୀ, ଇଂଞ୍ଜିନିୟରିଂ ପାଠ୍ୟକ୍ରମରେ ନାମଲେଖା ପାଇଁ ହେଉଥିବା ଜେଇଇ ମେନ ପରୀକ୍ଷାରେ ଆଞ୍ଚଳିକ ଭାଷାକୁ ଗୁରୁତ୍ୱ ଦିଆଯିବ । ଏନଇ ସୂଚନା ଦେଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିୱାଲ । ଏଣିକି ଅଧିକ ଭାରତୀୟ ଆଞ୍ଚଳିକ ଭାଷାରେ ଜେଇଇ ମେନ ପରୀକ୍ଷା ଆୟୋଜନ କରାଯିବ ।  ବିଦେଶରେ ‘ପିସା’ ପରୀକ୍ଷା ଏକାଧିକ ମାତୃଭାଷାରେ ଆୟୋଜନ କରାଯାଉଥିବା ବେଳେ ଏଥିରେ ସଫଳତା ହାର ଅଧିକ ରହୁଛି । ଏହାକୁ ନଜରରେ ରଖି ସେହି ଶୈଳୀରେ ଜେଇଇ ମେନ୍ ପରୀକ୍ଷା ଏକାଧିକ ମାତୃଭାଷାରେ ଅନୁଷ୍ଠିତ କରାଯିବ ବୋଲି ପୋଖରୀୱାଲ କହିଛନ୍ତି ।