ଲାଲୁଙ୍କ ସ୍ୱାସ୍ଥ୍ୟବସ୍ଥା ଅସ୍ଥିର; ଚିକିତ୍ସା ପାଇଁ ଯାଇପାରନ୍ତି ଏମ୍ସ
ନୂଆଦିଲ୍ଲୀ, ଗୋ-ଖାଦ୍ୟ ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହୋଇ ଦୀର୍ଘ ଦିନ ଧରି ରାଞ୍ଚି ରିମ୍ସରେ ଚିକିତ୍ସିତ ହେଉଥିବା ଲାଲୁ ପ୍ରସାଦ ଯାଦବ ଙ୍କ ସ୍ୱାସ୍ଥ୍ୟବସ୍ଥା ଏବେ ବିଗିଡ଼ିବାରେ ଲାଗିଛି । ଅଧିକ ଚିକିତ୍ସା ପାଇଁ ତାଙ୍କୁ ଦିଲ୍ଲୀ ସ୍ଥିତ ଏମ୍ସ ହସ୍ପିଟାଲକୁ ନିଆଯିବ । ଲାଲୁଙ୍କ ପୁଅ କହିଛନ୍ତି ଯେ, ବାପାଙ୍କ ଫୁସ୍ଫୁସ୍ରେ ପାଣି ଜମି ଯାଇଛି, କିଡ଼୍ନୀ ପ୍ରାୟ ୨୫ପ୍ରତିଶତ କାମ କରୁଛି । ପୂର୍ବରୁ ହାର୍ଟ ସର୍ଜରୀ ମଧ୍ୟ ହୋଇଛି । ତାଙ୍କ ସ୍ୱାସ୍ଥ୍ୟ ଉପରେ ନଜର ରଖିବା ପାଇଁ ୨ଡାକ୍ତର ନିଯୁକ୍ତି କରିବାକୁ ରାଞ୍ଚି ଜେଲ ଆଇଜି କହିଛନ୍ତି ।