ରାଜରାସ୍ତାରେ ଦିଦି

କୋଲକାତା, ପଶ୍ଚିମବଙ୍ଗଳାରେ ବିଧାନସଭା ନିର୍ବାଚନ ଚାଲିଥିବାବେଳେ ମତଦାନ ଚତୁର୍ଥ ପର୍ଯ୍ୟାୟରେ ପହଞ୍ଚିଛି । ଆହୁରି ଚାରୋଟି ପର୍ଯ୍ୟାୟ ମତଦାନ ହେବାକୁ ଥିବାବେଳେ ଶାସକ ଟିଏମସି ସହ ବିଜେପି ଦଳର ଉଚ୍ଚବାଚ ଶୀର୍ଷ ସ୍ଥାନରେ ପହଞ୍ଚିଛି । ନିର୍ବାଚନୀ ସଭାରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କର ଏକ ଟିପ୍ପଣୀକୁ ନେଇ ନିର୍ବାଚନ ଆୟୋଗ ଦିଦିଙ୍କ ପ୍ରଚାର ଉପରେ ୨୪ ଘଣ୍ଟା ପାଇଁ କଟକଣା ଲଗାଇଛନ୍ତି । ନିର୍ବାଚନ ଆୟୋଗଙ୍କ ଏପରି କାର୍ଯ୍ୟକୁ ବିରୋଧ କରି ତୃଣମୂଳ କଂଗ୍ରେସର ମୁଖ୍ୟ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀ ଧାରଣାରେ ବସିଛନ୍ତି ।ମୁହଁରେ ଏକ କଳାରଙ୍ଗର ମାସ୍କ ପିନ୍ଧି ହାତରେ ଏକ ତୂଳୀ ଧରି କୋଲକତାର ମୋୟା ସଡକ ପରିସରରେ ଥିବା ଗାନ୍ଧୀମୂର୍ତ୍ତି ତଳେ ହ୍ୱିଲ ଚେୟାରେ ବସି ଧାରଣାରେ ବସିଛନ୍ତି ଦିଦି । ସୂଚନାଯୋଗ୍ୟଯେ, ସୋମବାର ସନ୍ଧ୍ୟା ୮ଟାରୁ ମଙ୍ଗଳବାର ସନ୍ଧ୍ୟା ୮ ଟା ପର୍ଯ୍ୟନ୍ତ ମମତାଙ୍କ ଉପରେ ନିର୍ବାଚନ ପ୍ରଚାର ପାଇଁ ରୋକ ଲଗାଇଛନ୍ତି ନିର୍ବାଚନ ଆୟୋଗ ।