ସୁପ୍ରିମକୋର୍ଟର ଅର୍ଦ୍ଧାଧିକ କର୍ମଚାରୀ କରୋନାରେ ଆକ୍ରାନ୍ତ

ନୂଆଦିଲ୍ଲୀ, ଦେଶରେ କରୋନାର ବ୍ୟାପକ ସଂକ୍ରମଣ ହେବାରେ ଲାଗିଛି । ଦିନକୁ ଦିନ ଆକ୍ରାନ୍ତଙ୍କ ସଂଖା ବୃଦ୍ଧି ପାଇବାରେ ଲାଗିଛି । ଦିଲ୍ଲୀର ବିଭିନ୍ନ ସ୍ଥାନରୁ ବ୍ୟାପକ କରୋନା ଆକ୍ରାନ୍ତ ଚିହ୍ନଟ ହେଉଛନ୍ତି । ସୁପ୍ରିମକୋର୍ଟରେ ଅଧାରୁ ଅଧିକ କର୍ମଚାରୀ କରୋନାରେ ଆକ୍ରାନ୍ତ ହୋଇଥିବା ସୂଚନା ରହିଛି । ଆକ୍ରାନ୍ତଙ୍କ ମଧ୍ୟରେ ଅଧିକାଂଶ କ୍ଲର୍କ ଏବଂ ତଳିଆ କର୍ମଚାରୀ ରହିଛନ୍ତି । ସୁପ୍ରିମ କୋର୍ଟରେ କରୋନା ଆକ୍ରାନ୍ତ ଚିହ୍ନଟ ପରେ ସାଧାରଣ କାର୍ଯ୍ୟରେ ବାଧା ସୃଷ୍ଟି ହୋଇଛି । ସୁପ୍ରିମକୋର୍ଟ ପରିସରକୁ ସାନିଟାଇଜ କରାଯାଇଛି । ସୁରକ୍ଷାକୁ ନଜରରେ ରଖି ସୁପ୍ରିମକୋର୍ଟରେ ଶୁଣାଣୀ ଏବଂ ବିଭିନ୍ନ କାର୍ଯ୍ୟ ଭିଡିଓ କନଫରେନସିଂ ଜରିଆରେ କରାଯିବ ବୋଲି ନିଷ୍ପତ୍ତି ନିଆଯାଇଛି ।