ଶ୍ରୀଲଙ୍କା ପାଇବ ନୂଆ ରାଷ୍ଟ୍ରପତି

ଦିଲ୍ଲୀ(ଏଏନଏସ)୨୦/୦୭, ଶ୍ରୀଲଙ୍କା ସଂସଦ ଭବନ ପରିସରରେ କଡା ସୁରକ୍ଷା ବଳୟରେ ଆଜି ଶେଷ ହୋଇଛି ରାଷ୍ଟ୍ରପତି ନିର୍ବାଚନ । ସଂସଦରେ ମୋଟ ୨୨୫ଟି ଭୋଟରୁ ସର୍ବାଧିକ ୧୩୪ଟି ଭୋଟ ପାଇ ଶ୍ରୀଲଙ୍କାର ନୂଆ ରାଷ୍ଟ୍ରପତି ହେବାକୁ ଯୋଗ୍ୟ ବିବେଚିତ ହୋଇଛନ୍ତି ରାନିଲ୍ ବିକ୍ରମସିଂଘେ । ଏହି ନିର୍ବାଚନ ସମୟରେ ସଂସଦ ଭବନ ପରିସରରେ ପୂର୍ବତନ ପ୍ରଧାନମନ୍ତ୍ରୀ ମହିନ୍ଦ୍ରା ରାଜପକ୍ଷେଙ୍କ ସମେତ ସମସ୍ତ ସାଂସଦ ଉପସ୍ଥିତ ଥିଲେ ।ଶ୍ରୀଲଙ୍କା ରାଷ୍ଟ୍ରପତି ପଦବୀ ପାଇଁ ଏଥର ତ୍ରିମୁଖୀ ଳଢେଇ ହୋଇଥିଲା । ଲଢେଇର ସର୍ବାଗ୍ରେ ଥିଲେ କାମଚଳା ରାଷ୍ଟ୍ରପତି ରାନିଲ ବିକ୍ରମ ସିଂଘେ । ଦୁଲ୍ଲାସ ଆଲ୍ଲା ପରୁମା ଓ ଅନୁରା କୁମାର ଦିସା ନାୟକ ମଧ୍ୟ ରାଷ୍ଟ୍ରପତି ଦୌଡରେ ସାମିଲ ଥିଲେ । ଏଠାରେ ସୂଚନା ଯୋଗ୍ୟ ଯେ ଶ୍ରୀଲଙ୍କାର ପ୍ରମୁଖ ବିରୋଧୀଦଳ ନେତା ସାଜିଥ ପ୍ରେମ ଦାସା ରାଷ୍ଟ୍ରପତି ଦୌଡରୁ ଓହରି ଯାଇଛନ୍ତି । ଦୀର୍ଘ ଦିନ ଧରି ଶ୍ରୀଲଙ୍କାରେ ଅର୍ଥନୈତିକ ସଙ୍କଟ ଦେଖାଯାଇଥିବା ବେଳେ ଜାତୀୟ ଜରୁରୀ ପରିସ୍ଥିତି ଜାରି ହୋଇଛି । ପରିସ୍ଥିତି ଏପରି ହୋଇଛି ଯେ ଶ୍ରୀଲଙ୍କାର ଜନସାଧାରଣ ଆନ୍ଦୋଳୋନାତ୍ମକ ପନ୍ଥା ଆପଣେଇବାକୁ ମଧ୍ୟ ପଛାଇ ନାହାନ୍ତି ।

Leave A Reply

Your email address will not be published.

seven − six =