‘ରାଜ୍ୟରେ କମୁଛି ପଜିଟିଭିଟି ହାର’

ନୂଆଦିଲ୍ଲୀ-୧୮.୦୫.୨୦୨୧, ଦେଶରେ ଏବେ ସଂକ୍ରମଣ ଦିନକୁ ଦିନ ହ୍ରାସ ପାଉଛି । କିନ୍ତୁ କିଛି ରାଜ୍ୟରେ ସଂକ୍ରମଣ ବୃଦ୍ଧି ପାଉଥିବାର ଦେଖାଯାଉଛି । ତେବେ ଓଡିଶାରେ କିଛି ଦିନ ହେବ ସଂକ୍ରମଣ ବୃଦ୍ଧି ପାଉଥିବାର ଦେଖିବାକୁ ମିଳୁଥିଲା । ଏନେଇ ଦେଶରେ କରୋନା ସ୍ଥିତି ନେଇ କେନ୍ଦ୍ର ସ୍ବାସ୍ଥ୍ୟ ଯୁଗ୍ମ ସଚିବ ଲବ ଅଗ୍ରୱାଲ ସୂଚନା ଦେଇଛନ୍ତି ଯେ, ଓଡିଶାରେ ସଂକ୍ରମଣ କମିନଥିଲେ ମଧ୍ୟ ପଜିଟିଭିଟି ହାର ହ୍ରାସ ପାଉଛି । ଓଡିଶାରେ ବର୍ତ୍ତମାନ ପଜିଟିଭିଟି ହାର ୨୩%କୁ ହ୍ରାସ ପାଇଛି। ଏହା ବ୍ୟତୀତ ଲାକ୍ଷାଦୀପରେ ସର୍ବାଧିକ ପଜିଟିଭିଟି ହାର ୬୪.୭ %,ଗୋଆରେ ୩୭%,ପଶ୍ଚିମବଙ୍ଗ ଓ କର୍ଣ୍ଣାଟକରେ ୩୧% ପଜିଟିଭିଟି ହାର ରହିଛି । ସାରା ଦେଶରେ ବର୍ତ୍ତମାନ ପଜିଟିଭିଟି ହାର ୧୬.୯% ରହିଛି ।
ଏହା ସହ ସେ ଆହୁରି ମଧ୍ୟ କହିଛନ୍ତି ଯେ, ଭାରତରେ ସମୁଦାୟ ଜନସଂଖ୍ୟାର ୧.୮%ଲୋକ ସଂକ୍ରମିତ ହୋଇଛନ୍ତି । ଆମେରିକାରେ ସର୍ବାଧିକ ୧୦.୧% ଲୋକ ସଂକ୍ରମିତ ।