ପ୍ରବର୍ତ୍ତନ ନିର୍ଦ୍ଦେଶାଳୟରେ ହାଜର ହେଲେ ରାହୁଲ

ନୂଆଦିଲ୍ଲୀ ୧୩/୦୬, ନ୍ୟାସନାଲ ହେରାଲ୍ଟ ମନି ଲଣ୍ଟରିଂ ମାମଲାରେ କଂଗ୍ରେସ ନେତା ରାହୁଲ ଗାନ୍ଧୀ ଆଜି ପ୍ରବର୍ତ୍ତନ ନିର୍ଦେଶାଳୟରେ ହାଜର ହେବେ । ଦିଲ୍ଲୀ ସ୍ଥିତ କଂଗ୍ରେସ ମୁଖ୍ୟାଳୟକୁ ନେତା ଓ କର୍ମୀଙ୍କ ସହ ଏକ ବିରାଟ ଶୋଭାଯାତ୍ରାରେ ପ୍ରବର୍ତ୍ତନ ନିର୍ଦ୍ଦେଶାଳୟକୁ ଯାଉଛନ୍ତି ରାହୁଲ ଗାନ୍ଧୀ । ଏହାର ପ୍ରତିବାଦରେ ସାରା ଦେଶରେ ଥିବା କଂଗ୍ରେସ କର୍ଯ୍ୟାଳୟ ସମ୍ମୁଖରେ ଦଳର ନେତା ଓ କର୍ମୀମାନେ ବିକ୍ଷୋଭ ପ୍ରଦର୍ଶନ କରୁଛନ୍ତି । କଂଗ୍ରେସ ଦଳ ତରଫରୁ କୁହାଯାଇଛି ଯେ ମୋଦି ସରକାର କେନ୍ଦ୍ରୀୟ ତଦନ୍ତ ଏଜେନ୍ସି ଗୁଡିକୁ ବିରୋଧୀ ଦଳଙ୍କ ବିରୋଧରେ ଲଗାଇଛନ୍ତି । କିଭଳି ଭାବେ ବିରୋଧୀ ନେତା ମାନଙ୍କୁ ବଦନାମ କରାଇବେ ତାହାହିଁ ମୋଦି ସରକାରଙ୍କ ଉଦ୍ଦେଶ୍ୟ । ଓଡିଶାରେ ମଧ୍ୟ ପ୍ରବର୍ତ୍ତନ ନିର୍ଦ୍ଦେଶାଳୟ ରାହୁଲ ଗାନ୍ଧୀଙ୍କୁ ଦେଇଥିବା ସମନର ପ୍ରଭାବ ପଡିଛି । ରାଜ୍ୟ ପ୍ରଦେଶ କଂଗ୍ରେସ ସଭାପତି ଶରତ ପଟ୍ଟନାୟକଙ୍କ ନେତୃତ୍ୱରେ ଭୁବନେଶ୍ବର ଇଡି ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରୁଛନ୍ତି କଂଗ୍ରେସନେତା ଓ କର୍ମୀ । କଂଗ୍ରେସ ପ୍ରବକ୍ତା କହିଛନ୍ତି ଯେ ମୋଦି ସରକାର ବିରୋଧୀ ଦଳ ପ୍ରତି ଯଦି ଏପରି ମନୋଭାବ ପୋଷଣ କରନ୍ତି ତେବେ ଆଗାମୀ ଦିନରେ ସାରା ଦେଶରେ ବିକ୍ଷୋଭ ପ୍ରଦର୍ଶନ କରାଯିବ ।

Leave A Reply

Your email address will not be published.

7 − one =