ମୁମ୍ବାଇ(୧୭.୧୧.୨୨) : ସବରକରଙ୍କ ପ୍ରତି ଅଶୋଭନୀୟ ମନ୍ତବ୍ୟ ଅତ୍ୟନ୍ତ ନିନ୍ଦନୀୟ ଓ ଦୁର୍ଭାଗ୍ୟଜନକ । କଂଗ୍ରେସ ନେତା ରାହୁଲ ଗାନ୍ଧିଙ୍କୁ ଟାର୍ଗେଟ କରି ଏହା କହିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକ ନାଥ ସିନ୍ଧେ । ମହାରାଷ୍ଟ୍ରରେ ଭାରତ ଯୋଡ ଯାତ୍ରା ସମୟରେ ରାହୁଲ ଗାନ୍ଧି ଏକ ଭାଷଣରେ ସବରକଙ୍କପ୍ରତି ଅରୁଚିକର ମନ୍ତବ୍ୟ ଦେଇଥିବା ଏକନାଥ ସିନ୍ଧେଙ୍କ ହିନ୍ଦୁତ୍ୱ ଗୋଷ୍ଠୀ ଅଭିଯୋଗ କରିଛନ୍ତି ।  ହିନ୍ଦୁତ୍ୱ ବିଚାରଧାରାକୁ ସିଧାସଳ ନିଶାନା ରାଜ୍ୟର ଲୋକେ ସହ୍ୟ କରିବେ ନାହିଁ ବୋଲି ଏକନାଥ ସିନ୍ଧେ କହିଛନ୍ତି। ବଲାସାହେବ ଠାକରେଙ୍କ ଦଶମ ବାର୍ଷିକ ଉତ୍ସବରେ ସବରକର ଓ ହିନ୍ଦୁତ୍ୱ ଉପରେ ଆଲୋଚନାଚକ୍ରରେ ଯୋଗ ଦେଇ ସିନ୍ଧେ କହିଛନ୍ତି ଯେ,  ମହାରାଷ୍ଟ୍ରର ଜଣେ ସ୍ୱାଧୀନତା ସଂଗ୍ରାମୀଙ୍କ ଅପମାନିତ ହୋଇଥିବାବେଳେ କିଛି ଲୋକ ନରମ ଆଭିମୁଖ୍ୟ ଗ୍ରହଣ କରିଛନ୍ତି । ଉକ୍ତ କାର୍ଯ୍ୟକ୍ରମରେ ଶିବସେନା ସହ ଜଡିତ ସାଂସଦ ରାହୁଲ ଶେୱାଲେ  ସବକରଙ୍କ ଭଳି ସ୍ୱାଧୀନତା ସଂଗ୍ରାମୀଙ୍କୁ ଅପମାନିତ କରାଯାଇଥିବାରୁ  ରାଜ୍ୟରେ ଭାରତ ଯୋଡା ଯାତ୍ରା ବନ୍ଦ କରିବାକୁ ଦାବି କରିଛନ୍ତି। ଏବେ ରାହୁଲ ଗାନ୍ଧିଙ୍କ ନେତୃତ୍ୱରେ କଂଗ୍ରେସର ପଦଯାତ୍ରା ମହାରାଷ୍ଟ୍ର ଦେଇ ଗତି କରୁଛି।  ଶିବସେନା ପ୍ରତିଷ୍ଠାତା ବାଲ ଠାକରେଙ୍କ ଦଶମ ଶ୍ରାଦ୍ଧବାର୍ଷିକୀ ଅବସରରେ ଆୟୋଜିତ ସମ୍ମିଳନୀରେ ସିନ୍ଦେ କହିଛନ୍ତି ଯେ, ରାଜ୍ୟବାସୀ କୌଣସି ପରିସ୍ଥିତିରେ ସବରକରଙ୍କ ଅପମାନକୁ ବରଦାସ୍ତ କରିବେ ନାହିଁ। ପରେ ସବରକରଙ୍କ ସ୍ମାରକୀ ନିକଟରେ ଶିବାଜୀ ପାର୍କରେ ଅବସ୍ଥିତ ବାଲଠାକରେଙ୍କ ସ୍ମାରକୀ ପରିଦର୍ଶନ କରି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ।