କରୋନାରେ ପ୍ରାଣ ହରାଇଲେ ୟେଚୁରୀଙ୍କ ପୁଅ

ନୂଆଦିଲ୍ଲୀ-୨୨.୦୪.୨୧, ଭେଟେରାନ ସିପିଆଇ(ଏମ ) ନେତା ସୀତାରାମ ୟେଚୁରୀଙ୍କ ପୁଅ ଆଶିଶଙ୍କର କରୋନାରେ ମୃତ୍ୟୁ ହୋଇଛି । ମୃତ୍ୟୁ ବେଳକୁ ତାଙ୍କୁ ୩୪ ବର୍ଷ ବୟସ ହୋଇଥିଲା । କରୋନାରେ ସଂକ୍ରମିତ ହୋଇ ଦିଲ୍ଲୀର ଗୁରଗାଁ ସ୍ଥିତ ବେଦାନ୍ତ ହସ୍ପିଟାଲରେ ଚିକିତ୍ସିତ ହେଉଥିଲେ । ଗତ କିଛି ଦିନ ତଳେ କରୋନାରେ ଆକ୍ରାନ୍ତ ହୋଇ ଏହି ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ । ଆଶିଶ ପେଷାରେ ଜଣେ ସାମ୍ବାଦିକ ଥିଲାବେଳେ ଚେନ୍ନାଇ ସ୍ଥିତ ଏସିଆନ କଲେଜ ଅଫ ଜର୍ନାଲିଜିମରୁ ଉତ୍ତୀର୍ଣ୍ଣ ହୋଇ ଟାଇମସ ଅଫ ଇଣ୍ଡିଆରେ କାର୍ଯ୍ୟରତ ଥିଲେ । ତାଙ୍କ ମୃତ୍ୟୁ ସମ୍ପର୍କରେ ଟୁଇଟ କରି ଜଣାଇଛନ୍ତି ପିତା ସୀତାରାମ ୟେଚୁରୀ ।