ମେ’ ୧ରେ ଭାରତକୁ ଆସିବ ‘ସ୍ପୁଟନିକ ଭି’

ନୂଆଦିଲ୍ଲୀ-୨୭.୦୪.୨୦୨୧, ଦେଶରେ ବର୍ତ୍ତମାନ ଦ୍ୱିତୀୟ ପର୍ଯ୍ୟାୟ ଟିକାକରଣ ଜାରି ରହିଛି । ତେବେ ଆସନ୍ତା ମେ ୧ରୁ ସମଗ୍ର ଦେଶରେ ତୃତୀୟ ପର୍ଯ୍ୟାୟ ଟିକାକରଣ ଆରମ୍ଭ ହେବାକୁ ଯାଉଛି । ତେବେ ଭାରତ ଦୁଇଟି ଟିକାକୁ ସାର୍ବଜନୀନ ବ୍ୟବହାର ପାଇଁ ସ୍ୱୀକୃତି ପ୍ରଦାନ କରିଥିଲା । ପରେ ରୁଷିଆର ସ୍ପୁଟନିକ ଭି ଟିକାକୁ ସ୍ୱୀକୃତି ପ୍ରଦାନ କରିଥିଲେ କେନ୍ଦ୍ର ସରକାର । ଏହି ଟିକା ଆସନ୍ତା ମେ ୧ ତାରିଖରେ ଭାରତ ପହଞ୍ଚିବ ବୋଲି ଜଣାପଡ଼ିଛି। ଏହି ଟିକାର ସଫଳତା ହାର ପ୍ରାୟ ୯୦ ପ୍ରତିଶତ ଉପରେ ରହିଛି । ଭାରତରେ ଏହି ଟିକାର ଦାମ ୭୫୦ ଟଙ୍କା ହୋଇପାରେ ବୋଲି ସୂଚନା ମିଳିଛି ।