ନୂଆଦିଲ୍ଲୀ, ଆମେରିକା ସଂସଦ ପରିସରରେ ଦେଖାଦେଇଥିବା ହିଂସା ପାଇଁ ଟ୍ୱିଟର କିଛିଦିନ ତଳେ ଡୋନାଲ୍ଡ ଟ୍ରମ୍ପଙ୍କ ଆକାଉଣ୍ଟକୁ ବ୍ୟାନ କରିଦେଇଥିଲା । ତେବେ ଏବେ ଟ୍ୱିଟର ପରେ ୟୁଟ୍ୟୁବ ଆମେରିକାର ପୂର୍ବତନ ରାଷ୍ଟ୍ରପତି ଟ୍ରମ୍ପଙ୍କ ଚ୍ୟାନେଲ ଉପରେ ଅସ୍ଥାୟୀ ରୂପରେ ରୋକ ଲଗାଇଛି । ଗତ ସପ୍ତାହରେ ଆମେରିକାର କ୍ୟାପିଟାଲ ବିଲଡିଂରେ ଟ୍ରମ୍ପଙ୍କ ସମର୍ଥକମାନେ ବ୍ୟାପକ ହିଂସାକାଣ୍ଡ ଘଟାଇଥିଲେ। ୟୁଟ୍ୟୁବ ପକ୍ଷରୁ କୁହାଯାଇଛି ଯେ ଆଗାମୀ ୭ ଦିନ ପାଇଁ ଟ୍ରମ୍ପଙ୍କ ଚ୍ୟାନେଲରେ କୌଣସି ଭିଡିଓ ଅପଲୋଡ ହୋଇପାରିବ ନାହିଁ। ଡୋନାଲ୍ଡ ଟ୍ରମ୍ପଙ୍କ ଚ୍ୟାନେଲ ଆମ ଦ୍ୱାରା ପ୍ରଦତ୍ତ ନିୟମକୁ ଉଲ୍ଲଙ୍ଘନ କରିଛି ।
ଆମେରିକାରେ ଚାଲିଥିବା ହିଂସାକାଣ୍ଡ ପାଇଁ ଟ୍ରମ୍ପ ୟୁଟ୍ୟୁବରେ ଭିଡିଓ ଅପଲୋଡ କରିଥିଲେ । ତେଣୁ ପୁଣି ଆମେରିକାରେ ହିଂସାକାଣ୍ଡ ହେବା ଆଶଙ୍କା ନେଇ ଅସ୍ଥାୟୀ ଭାବେ ତାଙ୍କ ଚ୍ୟାନେଲକୁ ବନ୍ଦ କରାଯାଇଛି। ସେହି ଭିଡିଓକୁ ମଧ୍ୟ ହଟାଇ ଦିଆଯାଇଛି।
୨.୭୬ ନିୟୁତ ସବସ୍କ୍ରାଇବର ଥିବା ଏହି ଚାନେଲ୍କୁ ଯଦି ହଟାଇ ଦିଆ ନ ଯାଏ ତେବେ ଦେଶବ୍ୟାପୀ ‘ୟୁଟ୍ୟୁବ୍’କୁ ବର୍ଜନ କରାଯିବ ବୋଲି ‘ସିଭିଲ୍ ରାଇଟ୍ସ୍ ଗ୍ରୁପ୍’ ଧମକ ଦେବା ପରେ କମ୍ପାନି ଏହି ପଦକ୍ଷେପ ଗ୍ରହଣ କରିଛି।