ଉଚ୍ଚ ରକ୍ତ ଚାପ ନିୟନ୍ତ୍ରଣ କରିବ ପାଣି
ପ୍ରତି ତିନି ଜଣଙ୍କ ମଧ୍ୟରୁ ଜଣେ ହାଇ ବିପିରେ କଲବଲ ହେଉଛନ୍ତି। ଏହାକୁ ନିୟନ୍ତ୍ରଣ କରିବା ପାଇଁ ସୁସ୍ଥ ଖାଦ୍ୟ ସହିତ ଔଷଧ ମଧ୍ୟ ନିହାତି ଖାଇବାକୁ ପଡୁଛି । ହାଇ ବ୍ଲଡ ପ୍ରେସର ଆଜିକାଲି ଲୋକଙ୍କ ଜୀବନଶୈଳୀର ଏକ ଅଂଶ ପାଲଟିଗଲାଣି । ବର୍ତ୍ତମାନ ରକ୍ତଚାପର ସମସ୍ୟା ଯେକୌଣସି ବୟସରେ ହୋଇପାରେ, କିନ୍ତୁ ବୃଦ୍ଧ ବୟସରେ ଏହା ହୃଦଘାତକୁ ଅଧିକ ପ୍ରୋତ୍ସାହନ ଦେଇପାରେ । ଉଚ୍ଚ ରକ୍ତ ଚାପ ନିୟନ୍ତ୍ରଣ କରିବାର ଅନେକ ଉପାୟ ଅଛି, ଯାହାର ସବୁଠାରୁ ଗୁରୁତ୍ୱପୂର୍ଣ୍ଣ ହେଉଛି ଏକ ସୁସ୍ଥ ଜୀବନଶୈଳୀ । ତେବେ ବ୍ଲଡ୍ ପ୍ରେସରକୁ କଣ୍ଟ୍ରୋଲ କରିବା ପାଇଁ ହେଲଦୀ ଡାଏଟକୁ ଫଲୋ କରିବା ପାଇଁ ପରାମର୍ଶ ଦିଆଯାଇଥାଏ । ଉଚ୍ଚ ରକ୍ତଚାପକୁ ମଧ୍ୟ ପାନୀୟ ଜଳ ଏବଂ ସୁସ୍ଥ ଖାଦ୍ୟ ସହିତ ହାଇଡ୍ରେଟେଡ୍ ରହିବା ଦ୍ୱାରା ହ୍ରାସ କରାଯାଇପାରେ ।
ପର୍ଯ୍ୟାପ୍ତ ପରିମାଣର ପାଣି ପିଇଲେ ଶରୀରରେ ରକ୍ତ ସଞ୍ଚାଳନ ସଠିକ୍ ରହିଥାଏ, ଯେଉଁ କାରଣରୁ ହୃଦଘାତ ହେବାର ସମ୍ଭାବନା କମିଯାଏ । ଡିହାଇଡ୍ରେସନ ଓ ବ୍ଲଡ ପ୍ରେସର ମଧ୍ୟରେ ଏକ ସଂଯୋଗ ରହିଛି । ଯଦି ଆମେ ସଠିକ୍ ମାତ୍ରାରେ ପାଣି ପିଇବା ତେବେ ଆମର ବଡି ହାଇଡ୍ରେଟେଡ ରହିବ । ଶରୀର ହାଇଡ୍ରେଟେଡ ରହିବା ଦବାରା ଆମର ହାର୍ଟ ଠିକ୍ ଭାବେ କାର୍ଯ୍ୟ କରିପାରିବ । ଏହାଦ୍ୱାରା ଆମର ରକ୍ତର ସର୍କୁଲେସନ ମଧ୍ୟ ଠିକ୍ ଭାବେ ହୋଇପାରିବ । ଡିହାଇଡ୍ରେସନର ସ୍ଥିତିରେ ଆମର ହାଟକୁ ପମ୍ପ କରିବାରେ ଅଧିକ ପରିଶ୍ରମ କରିବାକୁ ପଡ଼ିଥାଏ । ଡିହାଇଡ୍ରେସନ୍ କ୍ଷେତ୍ରରେ, ହୃଦୟକୁ ପମ୍ପ କରିବା ପାଇଁ ବହୁତ ପରିଶ୍ରମ କରିବାକୁ ପଡେ, ଯେଉଁଥିପାଇଁ ରକ୍ତ ପରିମାଣ କମିବା ଆରମ୍ଭ କରେ । ଯେତେବେଳେ ରକ୍ତ ପରିମାଣ କମ୍ ହୁଏ, ଉଭୟ ରକ୍ତଚାପ ଏବଂ ହୃଦସ୍ପନ୍ଦନ ଅଧିକ ହୋଇଯାଏ । ହୃଦ୍ରୋଗର ଉନ୍ନତି ପାଇଁ ପର୍ଯ୍ୟାପ୍ତ ପରିମାଣର ପାଣି ପିଇବା ଗୁରୁତ୍ୱପୂର୍ଣ୍ଣ । ଏକ ଅଧ୍ୟୟନ ଅନୁଯାୟୀ, କ୍ୟାଲସିୟମ ଏବଂ ମ୍ୟାଗ୍ନେସିୟମ ସହିତ ମିଶ୍ରିତ ପାଣି ପିଇବା ଦ୍ୱାରା ଉଚ୍ଚ ରକ୍ତଚାପ କମିଯାଏ। ଏହି ପୋଷକ ତତ୍ତ୍ୱକୁ ଜଳ ମାଧ୍ୟମରେ ଖାଇବା ଦ୍ୱାରା ଶରୀର ସହଜରେ ଶୋଷିପାରେ ।