ଭୁବନେଶ୍ୱର, ଆଜି ଦୂତୀଙ୍କୁ ମିଳିଲା ଅର୍ଜୁନ ପୁରସ୍କାର। ଜାତୀୟ କ୍ରୀଡା ଦିବସ ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ୍ ଭର୍ଚୁଆଲ ଉତ୍ସବ ମାଧ୍ୟମରେ ଦୂତୀଙ୍କୁ ପୁରସ୍କାର ପ୍ରଦାନ କରିଛନ୍ତି। ଏହି ପୁରସ୍କାର ପାଇବାରେ ଦୂତୀ ହେଉଛନ୍ତି ନବମ ଓଡ଼ିଆ ଓ ଦ୍ଵିତୀୟ ଓଡ଼ିଆ ଅାଥଲେଟ୍। କୋରନା ପାଇଁ ଏହି ଉତ୍ସବ ରାଷ୍ଟ୍ରପତି ଭବନରେ ଆୟୋଜିତ ନ ହୋଇ, ଦେଶର ଚାରୋଟି ସ୍ଥାନରେ ବିତରଣ କରାଯାଇଛି। ଦୂତୀ ଏହି ପୁରସ୍କାର କୋଲକାତା ଠାରେ ଗ୍ରହଣ କରିଛନ୍ତି। ପୁଣିଥରେ ଓଡ଼ିଶାକୁ ଶୀର୍ଷରେ ସ୍ଥାନ ଦେଇ ଦୂତୀ ଏବେ ଉଦାହରଣ ପାଲଟିଛନ୍ତି। ତାଙ୍କ ଏହି ସଫଳତା ପାଇଁ ସବୁ ମହଲରୁ ପ୍ରଶଂସାର ସୁଅ ଛୁଟିଛି।