ଚାନ୍ଦବାଲୀ(୭.୧୦.୨୨) : ଧାମରା ସମୁଦ୍ରରେ ହୁଇଲର ଦୀପ ନିକଟରେ ମାଛ ମାରୁଥିବା ଟ୍ରଲରଟି ପୋଡିବା ପରେ ବଙ୍ଗୋପସାଗର ମଧ୍ୟରେ ବୁଡି ଯାଇଥିଲା । ଏହି ଟ୍ରଲରଟି ବୁଡିଯାଇଥିବା ବେଳେ ଏଥିରେ ଥିବା ୧୦ ଜଣ ଧୀବର ନିଜର ଜୀବନ ବଞ୍ଚାଇବା ପାଇଁ ସମୁଦ୍ର ମଧ୍ୟକୁ ଡେିଇଁ ପଡିଥିଲେ । ପରେ ସେମାନଙ୍କୁ ଉଦ୍ଧାର କରାଯାଇଥିଲା । ରାତି ୯ଟା ସମୟରେ ଧାମରା ନିକଟସ୍ଥ କାଳୀନାଳୀ ଠାରେ ପହଞ୍ଚିଥିଲା ଉଦ୍ଧାରକାରୀ ଟ୍ରଲର । ଅଗ୍ନିକାଣ୍ଡରେ ସମ୍ପୂର୍ଣ୍ଣ ନଷ୍ଟ ହୋଇ ବୁଡିଯାଇଥିବା ପଦ୍ମାବତୀ ଟ୍ରଲର ମାଲିକ ସମରେଶ ପରିଡା ସେହି ଧିବର ମାନଙ୍କୁ ହସ୍ପିଟାଲ ନେଇ ସ୍ୱାସ୍ଥ୍ୟ ପରିକ୍ଷା କରିଥିଲେ । ସୋମାନଙ୍କ ସ୍ୱାସ୍ଥ୍ୟବସ୍ଥା ଠିକ ଥିବା ଜଣା ପଡିଛି । ୧୦ ଘଣ୍ଟା ପରେ ସବୁ ଧୀବର ସେମାନଙ୍କ ଘରକୁ ଫେରିଛନ୍ତି ।