ଚନ୍ଦନ ଯାତ୍ରାରେ ୧୪୪ ଧାରା ଜାରି
ପୁରୀ-୧୧.୦୫.୨୦୨୧, ଆସନ୍ତା ଆସନ୍ତା ୧୫ ତାରିଖରେ ପ୍ରସିଦ୍ଧ ଚନ୍ଦନଯାତ୍ରା ଅନୁଷ୍ଠିତ ହେବାକୁ ଯାଉଛି । ତେବେ କରୋନା ଯୋଗୁ ଭକ୍ତଙ୍କ ବିନା ହେବ ଚନ୍ଦନ ଯାତ୍ରା ଏବଂ ରଥ ଅନୁକୂଳ । ନରେନ୍ଦ୍ର ପୁଷ୍କରିଣୀରେ ଚନ୍ଦନ ଯାତ୍ରା ଅନୁଷ୍ଠିତ ହେବ। ସେହି ସମୟରେ ଉକ୍ତ ସ୍ଥାନରେ ୧୪୪ ଧାରା ଲାଗୁ ହେବ । ୫୦ ରୁ ୭୦ ଜଣ ସେବାୟତଙ୍କୁ ନେଇ ହେବ ଚନ୍ଦନ ଯାତ୍ରା । ନୀତି ସହ ସଂଶ୍ଳିଷ୍ଟ ସେବାୟତଙ୍କୁ ସ୍ବତନ୍ତ୍ର ପାସ୍ ଦିଆଯିବ । ପ୍ରତି ବିମାନରେ ୭ ଜଣ ଲେଖାଏଁ ସେବାୟତ ରହିବେ ।ଚନ୍ଦନ ଯାତ୍ରାର ୭୨ ଘଣ୍ଟା ପୂର୍ବରୁ ସେବାୟତଙ୍କ କୋଭିଡ୍ ପରୀକ୍ଷା ହେବ । ସୂଚନା ଅନୁସାରେ ଉଭୟ ଚନ୍ଦନ ଯାତ୍ରା ଓ ରଥ ନିର୍ମାଣ ବେଳେ ୧୪୪ ଧାରା ଜାରି ହେବ । ଚନ୍ଦନ ଯାତ୍ରା ନେଇ ପୁରୀ ଶ୍ରୀମନ୍ଦିର ଛତିଶା ନିଯୋଗ ବୈଠକରେ ଚୂଡାନ୍ତ ନିଷ୍ପତ୍ତି ନିଆଯାଇଛି ।