ଗୋଟିଏ ଗ୍ରାମରୁ ୭୦ କରୋନା ପଜିଟିଭ

ବଲାଙ୍ଗୀର-୨୩.୦୪.୨୦୨୧, ଓଡିଶାର ପିଛା ଛାଡୁନାହିଁ କରୋନା ସଂକ୍ରମଣ । ଗୋଟିଏ ଗ୍ରାମରୁ ୭୦ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ବଲାଙ୍ଗୀର ଜିଲ୍ଲା ସଦର ବ୍ଲକ ଅନ୍ତର୍ଗତ ବୈଦିପାଲି ପଞ୍ଚାୟତର ବରଗାଁ ରୁ ଏହି ସବୁ ଆକ୍ରାନ୍ତ ଚିହ୍ନଟ ହୋଇଥିବା ଜଣାପଡିଛି । କୌଣସି ଲୋକଙ୍କର କିଛି ଲକ୍ଷଣ ନଥିବାରୁ ଏହି ରିପୋର୍ଟକୁ ସହଜରେ ଗ୍ରହଣ କରିପାରୁ ନାହାନ୍ତି ସଂପୃକ୍ତ ଗ୍ରାମର ଗ୍ରାମବାସୀ । ଆଉ ଥରେ ଆରଟି-ପିସିଆର ଟେଷ୍ଟ କରିବାକୁ ଗ୍ରାମବାସୀମାନେ ଜିଲ୍ଲାପାଳଙ୍କୁ ଅନୁରୋଧ କରିଥିବା ଜଣାପଡିଛି । ମିଳିଥିବା ସୂଚନା ମୁତାବକ ଗତ ୧୮ ତାରିଖରେ ବୈଦିପାଲି ଗାଁର ଜଣେ ବ୍ୟକ୍ତି କରୋନା ଆକ୍ରାନ୍ତ ଚିହ୍ନଟ ହୋଇଥିଲେ । ତାହା ପରେ ମେଡିକାଲ ଟିମ ଦ୍ୱାରା ଗ୍ରାମବାସୀଙ୍କର ଟେଷ୍ଟ କରାଯାଇଥିଲା ।ସେଥିମଧ୍ୟରୁ ୭୦ଜଣଙ୍କର ରିପୋର୍ଟ ପଜିଟିଭ ଆସିଥିଲା ।