ବୟସ ୯୦ପାର କିନ୍ତୁ ଘରକୁ ଘର ବୁଲି କରୁଛନ୍ତି ପ୍ରଚାର

ବାଲେଶ୍ୱର, ରାଜ୍ୟରେ ବାଲେଶ୍ୱର ଓ ତିର୍ତ୍ତୋଲ ଉପନିର୍ବାଚନ ପାଇଁ ପ୍ରଚାର ଯୋର୍ ଧରିଛି । ସବୁ ଦଳ ନିଜ ନିଜର ପ୍ରଚାର ପ୍ରସାରରେ ମାତିଛନ୍ତି । ଏହାରି ମଧ୍ୟରେ ଏକ ଆଗ୍ରହଜନକ ଦୃଶ୍ୟ ଦେଖିବାକୁ ମିଳିଛି ବାଲେଶ୍ୱର ଉପନିର୍ବାଚନ ମଣ୍ଡଳୀରେ । ଜଣେ ୯୦ବର୍ଷର ବୃଦ୍ଧା, ଯାହାର ନାମ ବେଣୁଧର ବାରିକ, ସେ ଏବେ ଘରକୁ ଘର ବୁଲି ପ୍ରଚାର କରୁଛନ୍ତି । ବୟସ ସିନା ହୋଇଯାଇଛି କିନ୍ତୁ ଏବେବି ତାଙ୍କ ମନରୁ ରାଜନୀତିକୁ ନେଇ ଦୃଢ଼ ଇଚ୍ଛାଶକ୍ତି ଥମିନି । ଆଶା ରଖିଛନ୍ତି ବିଧାୟକ ହୋଇ ଅଞ୍ଚଳବାସୀଙ୍କ ଦୁଃଖ ଦୁର୍ଦ୍ଦଶା ଦୂର କରିବେ । ଉପନିର୍ବାଚନରେ ସ୍ୱାଧୀନ ପ୍ରାର୍ଥୀ ଭାବରେ ନାମାଙ୍କନ ଦାଖଲ କରି ପ୍ରଚାର ଆରମ୍ଭ କରିଥିବା ବେଣୁଧର ପେଶାରେ ଜଣେ ବାରିକ ଅଟନ୍ତି । ମାତ୍ର ୧୩ ବର୍ଷ ବୟସରେ ୧୯୪୨ ମସିହାରେ ଭାରତଛାଡ଼ ଆନ୍ଦୋଳନରେ ସାମିଲ ଥିଲେ ବୋଲି କୁହନ୍ତି ବେଣୁଧର । ବିଧାୟକ ହେବାପରେ ମୋ ବସ୍ତିବାସିନ୍ଦାଙ୍କ ସମସ୍ୟା ନେଇ ବିଧାନସଭାରେ ଉପସ୍ଥାପନ କରିବି, ତାଙ୍କ ପାଇଁ ଲଢ଼ିବି । ଏହା ହେଉଛି ମୋର ମୂଳ ଲକ୍ଷ୍ୟ ବୋଲି କହିଛନ୍ତି ବେଣୁଧର ବାରିକ । ପ୍ରକାଶଥାଉକି, ବାଲେଶ୍ୱର ଉପନିର୍ବାଚନ ମୋଟ ୬ଜଣ ପ୍ରାର୍ଥୀ ଲଢ଼ୁଛନ୍ତି । ସେମାନଙ୍କ ମଧ୍ୟରୁ ବେଣୁଧର ହେଉଛନ୍ତି ଜଣେ ପ୍ରାର୍ଥୀ, ଯେ କି ବୟସ୍କ ଅଟନ୍ତି ।