ଧରାପଡିଲା ଜେଲରୁ ଫେରାର ହୋଇଥିବା କଏଦୀ
କୋରାପୁଟ- ୨୦.୦୫.୨୦୨୧, ଧରାପଡିଲା କୋରାପୁଟ ମଣ୍ଡଳ କାରାଗାରରୁ ଫେରାର ହୋଇଥିବା କଏଦୀ। ଜେଲରୁ ଫେରାର ହେବା ପରେ ଜଙ୍ଗଲରେ ବୁଲୁଥିବାବେଳେ ପୁଣି ତାକୁ କାବୁ କଲା ପୋଲିସ। କଏଦୀ ଜଣକ ହେଉଛି ଗଜପତି ଜିଲ୍ଲାର ଗଣେଷ ରାଉଳ। ଗତକାଲି ଜେଲରୁ ଫେରାର ହୋଇଯାଇଥିଲା । ଜେଲରୁ ଯାଇ ବାଗ୍ରା ଜଙ୍ଗଲରେ ଲୁଚିଥିଲା ଗଣେଷ । ସିସିଟିଭି ଫୁଟେଜରେ ଜେଲ କୋଠା ଡେଇଁ ଖସି ପଳାଇଯାଉଥିବାର ଦେଖିବାକୁ ମିଳିଥିଲା । ପରେ ଜେଲ୍ ଟିମ୍ ବାଗ୍ରା ଜଙ୍ଗଲର ମସ୍ତିପୁଟ ନିକଟରେ ନାକାବନ୍ଦୀ କରି ପୁଣି ଗଣେଷ ରାଉଳକୁ ଧରିଛି। ଏଠାରେ ସୂଚନା ଯୋଗ୍ୟ ଯେ, ଗଣେଷ ରାଉଳକୁ ହତ୍ୟା ଅଭିଯୋଗରେ ଗିରଫ କରାଯାଇଥିଲା ।