ଟ୍ରେନ ମୁହଁକୁ ଗଲେ ଦାଦନ ଶ୍ରମିକ
ବଲାଙ୍ଗୀର (ଏଏନଏସ)୧୪/୦୫, ସୋନପୁର ଜିଲ୍ଲାରେ ଘଟିଯାଇଛି ଏକ ଅଭାବନୀୟ ଘଟଣା । କୁଡାଡେରା ଗାଁର ଚନ୍ଦ୍ରଭାନୁ ଭୋଇ ତାମିଲନାଡୁରେ ଦାଦନ ଶ୍ରମିକ ଭାବେ କାମ କରନ୍ତି । ଗତକାଲି ରାତିରେ ସେ ତାମିଲନାଡୁରୁ ଘରକୁ ପେରୁଥିଲେ । ବଲାଙ୍ଗୀର ଷ୍ଟେସନରେ ଓହ୍ଲାଇବା ପରେ ଗାଁର ଦୁଇଜଣ ବ୍ୟକ୍ତିଙ୍କ ସହ ବାଇକ୍ରେ ଘରକୁ ଫେରୁଥିଲେ । ବୁର୍ଡା ଫାଟକ ନିକଟରେ ଟ୍ରେନ ଆସିବାରୁ ଫାଟକ ପଡିଥିଲା । ଚନ୍ଦ୍ରଭାନୁ ଦୁଇଜଣ ସାଙ୍ଗଙ୍କ ସହ ଫାଟକ ନିକଟରେ ଛିଡା ହୋଇଥିଲେ । ଟ୍ରେନ ଆସିବାରୁ ହଠାତ୍ ସେ ଟ୍ରେନ ଆଗକୁ ଡେଇଁ ପଡିଥିଲେ । ଟ୍ରେନରେ ପିଟି ହୋଇ ତାଙ୍କ ମୁଣ୍ଡରେ ଗଭୀର ଆଘାତ ଲାଗିବା ସହ ଡାହାଣ ହାତଟି ସଂପୂର୍ଣ୍ଣ କଟିଯାଇଛି । ଗୁରୁତରଅବସ୍ଥାରେ ତାଙ୍କୁ ବଲାଙ୍ଗୀର ମେଡିକାଲରେ ଭର୍ତ୍ତି କରାଯାଇଛି । ପୋଲିସ ପହଞ୍ଚି ଘଟଣା ସଂପର୍କରେ ତଦନ୍ତ କରୁଛି ।