ଆକାଶ ଛୁଆଁ ପରିବା ଦର

ଭୁବନେଶ୍ୱର(ଏଏନଏସ)୧୫/୧୦, ଆରମ୍ଭ ହୋଇ ସାରିଛି ଧର୍ମ ମାସ କାର୍ତ୍ତିକ । ପ୍ରାୟ ଲୋକ ଏହି ମାସରେ ଆମିଷ ଖାଆନ୍ତି ନାହିଁ । ଆଉ ଏହି ସମୟରେ ଏବେ ପରିବା ଦର ଆକାଶ ଛୁଆଁ । ସାଧାଣ ଲୋକଙ୍କ ସହ ହବିଷିଆଳି ମାନେ ମଧ୍ୟ ହଇରାଣ ହେଉଛନ୍ତି । ହବିଷ ରାନ୍ଧିବା ପାଇଁ ହବିଷ ପରିବାକୁ ଏତେ ଦାମ୍ ଦେଇ କିଣିବାକୁ ବାଧ୍ୟ ହେଉଛନ୍ତି । ପ୍ରତ୍ୟେକ ପରିବାର ଦର କିଲୋ ପିଛା ୬୦ ଟଙ୍କା ଉପରେ । ଏବେ ଆଳୁ ଓ ପିଆଜ କିଲୋ ୨୫ରୁ ୩୫ ଟଙ୍କା ରହିଛି । କିନ୍ତୁ ବାକି ସବୁ ପରିବା ଦର ଆକାଶ ଛୁଆଁ ରହିଛି । ଭେଣ୍ଡି, ଟମାଟୋ, ଗାଜର, ପୋଟଳ, ସାରୁ କିଲୋ ୬୦ ଟଙ୍କା ଉପରେ ରହିଛି । ସେହିପରି ଝୁଡ଼ଙ୍ଗ ୮୦ଟଙ୍କା, ବିନଓ ୧୦୦ଟଙ୍କା, ମାଟି ଆଳୁ ୯୦ଟଙ୍କା ରହିଛି । ଆମିଷ ଖର୍ଚ୍ଚଠୁ ବଳେଇ ପଡ଼ୁଛି ନିରାମିଷ ଭୋଜନ । ଛତୁ ଓ ପନିର ଦର ବୃଦ୍ଧି ଯୋଗୁଁ ମାସକ ପାଇଁ ଆମିଷ ପଶୁନଥିବା ପରିବାର ଲୋକେ ପ୍ରଭାବିତ ହେଉଛନ୍ତି । ଏଣେ ବଜାର ଦରବୃଦ୍ଧି ଯୋଗୁଁ ହୋଟେଲ ମିଲ ଦର ମଧ୍ୟ ବଢ଼ି ଯାଇଥିବାରୁ କର୍ମଜୀବୀମାନେ ଏହାର ଶିକାର ହେଉଛନ୍ତି ।