ଶୁଣିକି ନିଶ୍ଚେ ଆଶ୍ଚର୍ଯ୍ୟ ହେଉଥିବେ । ଆଖିରୁ ବାହାରୁଛି ୨୩ ଟି ଲେନ୍ସ । ଏହା କିପରି ସମ୍ଭବ ଅଟେ । କିନ୍ତୁ ଏହା ସତ୍ୟ ଅଟେ । ଏପରି ଏକ ଘଟଣା ଆମେରିକାର ଡାକ୍ତର ଖାନାରୁ ଆସିଛି । ଆମ ଶରୀରର ସବୁ ଅଙ୍ଗ ମଧ୍ୟରୁ ଆଖି ହେଉଛି ସବୁଠାରୁ ସୁକ୍ଷ୍ମ ଅଙ୍ଗ । ସେଥିପାଇଁ ସମସ୍ତେ ଆଖିର ବିଶେଷ ଯତ୍ନ ନିଅନ୍ତି । ଦୃଷ୍ଟି ଶକ୍ତି ଦୁର୍ବଳ ହେଲେ ଚଷମା ବ୍ୟବହାର କରନ୍ତି । କିନ୍ତୁ ଆଜିକାଲି ଲୋକେ ଚଷମା ବଦଳରେ କଣ୍ଟାକ୍ଟ ଲେନ୍ସକୁ ବ୍ୟବହାର କରୁଛନ୍ତି । କିନ୍ତୁ ଏବେ ଏପରି ଏକ ଘଟଣା ସାମ୍ନାକୁ ଆସିଛି ଯେଉଁଠାରେ ଜଣେ ମହିଳା ତାଙ୍କ ଅସାବଧାନତା ହେତୁ ତାଙ୍କ ଆଖିର ଅନେକ କ୍ଷତି ଘଟାଇଛନ୍ତି । ଏପରିକି ଅପରେସନ କରି ତାଙ୍କ ଆଖିରୁ ବାହାରିଛି ୨୩ଟି ଲେନ୍ସ । ଆମେରିକାର ଏକ ଡାକ୍ତର ଖାନାରୁ ଏଭଳି ଘଟଣା ସାମ୍ନାକୁ ଆସିଛି । ଏହି ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏଠାରେ ଜଣେ ମହିଳାଙ୍କ ଆଖିରେ କିଛି ଅସୁବିଧା ଥିଲା, ତେଣୁ ସେ ଆଖିରେ କଣ୍ଟାକ୍ଟ ଲେନ୍ସ ପିନ୍ଧିବା ଆରମ୍ଭ କଲେ | ବେଳେବେଳେ ମହିଳା ଜଣଙ୍କ ଭାବନ୍ତି ଯେ ତାଙ୍କ ଆଖିରୁ କଣ୍ଟାକ୍ଟ ଲେନ୍ସ ଅଜଣାରେ ଖସି ପଡୁଛି । ଏପରିକି ଅନେକ ସମୟରେ ମହିଳା ଜଣକ ରାତିରେ ଶୋଇବା ପୂର୍ବରୁ କଣ୍ଟାକ୍ସ ଲେନ୍ସ କାଢ଼ିବା ପାଇଁ ଭୁଲି ଯାଇଥିଲେ। ଲଗାତାର ୨୩ ଦିନ ଧରି ସେ ଏଭଳି କରିଥିଲେ। ଆଶ୍ଚର୍ଯ୍ୟର କଥା, ଏହି ଘଟଣା ମହିଳାଙ୍କ ସହ ଅନେକ ଦିନ ଧରି ଘଟିଥିଲା ଏବଂ ପ୍ରତ୍ୟେକ ଥର ସେ ନୂଆ କଣ୍ଟାକ୍ଟ ଲେନ୍ସ କିଣୁଥିଲେ ।
ବହୁ ଦିନ ପରେ ମହିଳା ଜଣକ ଅନୁଭବ କଲେ ଯେ କଣ୍ଟାକ୍ଟ ଲେନ୍ସ ନିଜ ଆଖିରୁ ଖସି ପଡୁଛି, କିନ୍ତୁ ତାହା ନୁହେଁ। ତା’ପରେ ମଝିରେ ଦିନେ ମହିଳାଙ୍କ ଆଖିରେ ପ୍ରବଳ ଯନ୍ତ୍ରଣା ଆରମ୍ଭ ହେବାକୁ ଲାଗିଲା। ମହିଳା ଜଣକ ଡାକ୍ତରଙ୍କ ନିକଟରେ ପହଞ୍ଚିବା ପରେ ସେ ପୁରା କାହାଣୀ କହିଥିଲେ। ଯେତେବେଳେ ମହିଳାଙ୍କ ଆଖି ପରୀକ୍ଷା କରାଯାଇଥିଲା, ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ଡାକ୍ତରମାନେ ଜାଣିବାକୁ ପାଇଲେ ଯେ ୨୩ ଟି କଣ୍ଟାକ୍ଟ ଲେନ୍ସ ମହିଳାଙ୍କ ଆଖିରେ ଲାଗିଛି। ମହିଳା ଜଣକ ପ୍ରତିଦିନ ରାତିରେ କଣ୍ଟାକ୍ଟ ଲେନ୍ସ କାଢ଼ିବାକୁ ଭୁଲିଯାଉଥିଲେ ଏବଂ ପରଦିନ ନୂଆ ଲେନ୍ସ ଲଗାଉଥିଲେ ।ଡାକ୍ତର କହିଛନ୍ତି ଯେ ସମସ୍ତ କଣ୍ଟାକ୍ଟ ଲେନ୍ସ ଏହି ମହିଳାଙ୍କ ଆଖିର ଉପର ଭାଗରେ ଜମା ହୋଇ ରହିଥିଲା । ତେବେ ଡାକ୍ତର ଆଖିରୁ ଲେନ୍ସ ବାହାର କରିବା ପାଇଁ ସେ ବହୁତ ଛୋଟ ସର୍ଜିକାଲ୍ ଉପକରଣ ବ୍ୟବହାର କରିଥିଲେ | ବର୍ତ୍ତମାନ ପାଇଁ ତାଙ୍କ ଆଖିରୁ ସମସ୍ତ କଣ୍ଟାକ୍ଟ ଲେନ୍ସ ହଟାଯାଇଛି | ତେବେ ସମ୍ପୃକ୍ତ ମହିଳାଙ୍କ ଆଖିରୁ ଡାକ୍ତର ଏକାବେଳେ ୨୩ଟି କଣ୍ଟାକ୍ଟ ଲେନ୍ସ ବାହାର କରିବା ପରେ ଆଗକୁ ଆଉ କଣ୍ଟାକ୍ଟ ଲେନ୍ସ ବଦଳରେ ଚଷମା ବ୍ୟବହାର କରିବା ପାଇଁ ପରାମର୍ଶ ଦେଇଛନ୍ତି।
