କରୋନା ଔଷଧ ‘ଭିରାଫିନ’କୁ ମିଳିଲା ମଞ୍ଜୁରୀ

ନୂଆଦିଲ୍ଲୀ-୨୩.୦୪.୨୦୨୧, ଆଉ ଏକ କରୋନା ଔଷଧକୁ ଭାରତରେ ମିଳିଲା ମଞ୍ଜୁରୀ । ଜାଏଡସ୍ କାଡିଲା ଦ୍ୱାରା ପ୍ରସ୍ତୁତ ହୋଇଥିବା ଔଷଧ “ଭିରାଫିନ”କୁ ଜରୁରୀକାଳୀନ ବ୍ୟବହାର ନେଇ ଅନୁମତି ଦେଇଛି ଡିଜିସିଆଇ । ତେବେ ଏହି ଔଷଧ ସାମାନ୍ୟ ଲକ୍ଷଣ ଦେଖାଯାଉଥିବା ଆକ୍ରାନ୍ତଙ୍କ ପାଇଁ ବେଶ ଫଳପ୍ରଦ । ସୂଚନା ଅନୁସାରେ ଡାକ୍ତରଙ୍କ ପରାମର୍ଶକ୍ରମେ ହିଁ କରୋନା ଆକ୍ରାନ୍ତଙ୍କୁ ଏହି ଔଷଧ ଦିଆଯାଇପାରିବ ବୋଲି ଡିଜିସିଆଇ କହିଛନ୍ତି । ଏହାପୁର୍ବରୁ ଦେଶରେ ରେମଡେସିଭର୍ ଏବଂ ଫାଭିପିରାଭିର୍ ଔଷଧକୁ କରୋନା ରୋଗୀଙ୍କ ପାଇଁ ବ୍ୟବହାର କରାଯାଉଛି।