୧. ଆଜି ହେଉଛି ‘ଉତ୍କଳ ଦିବସ’ । ଓଡିଆଙ୍କ ଗର୍ବ ଓ ଗୌରବର ଦିନ । ୧୯୩୬ ମସିହା ଏପ୍ରିଲ ମାସ ୧ ତାରିଖରେ ସ୍ୱତନ୍ତ୍ର ପ୍ରଦେଶ ଭାବେ ଗଢ଼ିଉଠିଥିଲା ଓଡିଶା ।
୨. ପୁରୀ ମାଉସୀ ମା’ଙ୍କ ମନ୍ଦିରରୁ ଚୋରି । ତାଲା ଭାଙ୍ଗି ହୁଣ୍ଡିରୁ ଟଙ୍କା ଲୁଟ ସହ ମା’ଙ୍କ ଗହଣା ଲୁଟି ନେଇଛନ୍ତି ଦୁର୍ବୃତ୍ତ ।
୩. ଉତ୍କଳ ଦିବସ ଅବସରରେ ମୁକ୍ତିଲାଭ କଲା ‘ଏ ମାଟି ଓଡିଶା ଏ ଜାତି ଓଡ଼ିଆ’ ସଙ୍ଗୀତ । ଆଜି ରାଜଭବନରେ ରାଜ୍ୟପାଳ ଏହାର ଶୁଭ ଉନ୍ମୋଚନ କରିଛନ୍ତି ।
୪. ଆଜି ରାଜ୍ୟରୁ ୩୯୪ କରୋନା ପଜିଟିଭ ଚିହ୍ନଟ ।
୫. ପୁରୀ ଶ୍ରୀମନ୍ଦିର ଉତ୍ତର ଦ୍ବାର ନିକଟରେ ଟଙ୍କତୋରାଣି ବ୍ୟବସାୟୀଙ୍କୁ ହାଣିଲେ ୫ ଦୁର୍ବୃତ୍ତ । ପୁରୀ ମେଡିକାଲରେ ଭର୍ତ୍ତି, ୨ ଅଟକ ।
୬. ଆଜିଠାରୁ ରାଜ୍ୟରେ ୪୫ବର୍ଷରୁ ଅଧିକ ବୟସ୍କଙ୍କ ଟିକାକରଣ । ବିନା ରୋଗ ପ୍ରମାଣପତ୍ରରେ ଯୋଗ୍ୟ ବ୍ୟକ୍ତି ଟିକା ନେଇପାରିବେ ।
୭. ଭୁବନେଶ୍ବରରେ ମାସକରେ ହୋଇଛି ୮୫ ଲକ୍ଷ ଟଙ୍କାର ସାଇବର ଠକେଇ । ମାର୍ଚରେ ସାଇବର ଅପରାଧର ତଥ୍ୟ ଦେଲା କମିଶନରେଟ ପୋଲିସ ।
୮. ନିଆଁରେ ପୋଡ଼ି ହୋଇ ସ୍ତ୍ରୀ ଜୀବନ୍ତ ଦଗ୍ଧ, ସ୍ବାମୀ ସଂକଟାପନ୍ନ । ସ୍ବାମୀ ଗୁରୁତର ଅବସ୍ଥାରେ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତରିତ ।ଏଭଳି ଏକ ଅଭାବନୀୟ ଘଟଣା ଘଟିଛି ଗଞ୍ଜାମ ତାରସିଙ୍ଗି ତୁଳସୀପଲ୍ଲୀ ଗାଁରେ ।
୯. ପୁରୀ ଅଠରନଳା ନିକଟରେ ଟ୍ରାକ୍ଟର ଚକ ଫାଟି ଚାଳକ ମୃତ । ଚକରେ ପ୍ରେସର ଦେଉଥିବା ବେଳେ ଘଟିଛି ଏଭଳି ଅଘଟଣ ।
୧୦. ଆଜି ବି ରାଜ୍ୟରେ ପ୍ରବଳ ଗ୍ରୀଷ୍ମପ୍ରବାହ ଜାରି । ୪ଟା ଯାଏଁ ୪ଟା ଯାଏ ଖରାକୁ ନଯିବା ଲାଗି ପରାମର୍ଶ । ୨୧ଟି ଜିଲ୍ଲାକୁ ହିଟୱେଭ ସତର୍କତା ଜାରି କଲା ପାଣିପାଗ ବିଭାଗ ।
