ଭୁବନେଶ୍ୱର (ଏଏନଏସ): ରାଜ୍ୟର ଲୋକପ୍ରିୟ ପତ୍ରିକା ଅପୂର୍ବାର ରଜତ ଜୟନ୍ତୀ ସମାରୋହ ରାଜଧାନୀ ଭୁବନେଶ୍ୱରରେ ପାଳିତ ହୋଇଛି। ଏହି ଅବସରରେ ଅଧ୍ୟାପିକା ଡ଼କ୍ଟର ଗୀତାଶ୍ରୀ ପ୍ରିୟମ୍ବଦାଙ୍କ କବିତା ସଂକଳନ ଅସରନ୍ତି ଆସକ୍ତିର ଲୋକାର୍ପଣ କରିଥିଲେ ଉତ୍ସବର ମୁଖ୍ୟଅତିଥି ମହାମହିମ ରାଜ୍ୟପାଳ ରଘୁବର ଦାସ। 

ଏଠାରେ ସୂଚନା ଯୋଗ୍ୟ ଯେ, ଡ଼କ୍ଟର ପ୍ରିୟମ୍ବଦା ଦୀର୍ଘ 20 ବର୍ଷ ଧରି ସାହିତ୍ୟ ସାଧନାରେ ନିଜର ସମୟ ଦେଇ ଆସୁଛନ୍ତି। ସେ ହେଉଛନ୍ତି ଓଡ଼ିଆ କବିତା ରାଜ୍ୟର ଜଣେ ସୁପରିଚିତ ସ୍ରଷ୍ଠା।ରାଜ୍ୟରୁ ପ୍ରକାଶ ପାଉଥିବା ବିଭିନ୍ନ ପତ୍ରିକାରେ ତାଙ୍କର କବିତା ସଂକଳନ ନିରବ ଚିହ୍ନ ଭାବରେ ପ୍ରକାଶ ପାଇ ଆସୁଛି। ଏହି ଉତ୍ସବରେ ରାଜ୍ୟପାଳଙ୍କ ସହ ମାନ୍ୟବର ସାଂସଦ (ରାଜ୍ୟସଭା) ମାନସ ରଞ୍ଜନ ମଙ୍ଗରାଜ, ବରିଷ୍ଠ ଲେଖକ ସାନ୍ତୁନୁ କୁମାର ଆଚାର୍ଯ୍ୟ ଓ  ଅପୂର୍ବାର ଅଧକ୍ଷ ମଞ୍ଚାସିନ ଥିବା ବେଳେ ଏହାର ପରିଚାଳନା କରିଥିଲେ ଅଧ୍ୟାପିକା ଗୀତାଶ୍ରୀ ପ୍ରିୟମ୍ବଦା।