ଭୁବନେଶ୍ୱର ଡିଜିଟାଲ ମିଡିଆ ସଂଘର କର୍ମକର୍ତ୍ତା ନିର୍ବାଚନ

ଭୁବନେଶ୍ୱର(ଏଏନଏସ)୧୩/୧୦, ଓଡିଶା ଡିଜିଟାଲ ମିଡିଆ ଆେସୋସିଏସନ ଦ୍ୱାରା ସ୍ୱୀକୃତି ପ୍ରାପ୍ତ ଭୁବନେଶ୍ୱର ଜିଲ୍ଲା ଡିଜିଟାଲ ମିଡିଆ ଆସୋସିଏସନର କର୍ମକର୍ତ୍ତା ନିର୍ବାଚନ ଇତି ମଧ୍ୟରେ ଶେଷ ହୋଇଛି । ବରିଷ୍ଠ ସାମ୍ବାଦିକ ସୁଶାନ୍ତ କୁମାର ମହାନ୍ତିଙ୍କ ଆବାହକତ୍ୱରେ ଏହି ବୈଠକ ବସି ନୂତନ କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଥିଲା । ଏଥିରେ ସୁକାନ୍ତ କୁମାର ମହାନ୍ତି ସଭାପତି, ସୁନାକର ଦାସ ସାଧାରଣ ସମ୍ପାଦକ, ନୀହାର ରଞ୍ଜନ ପଣ୍ଡା ସମ୍ପାଦକ, ନିରଞ୍ଜନ ସ୍ୱାଇଁ ଉପସଭାପତି, ଶୁଭେନ୍ଦୁ କାନୁନଗୋ କୋଷାଧ୍ୟକ୍ଷ, ନିରୋଧ ମହାପାତ୍ର, ସନ୍ତୋଷ ବେହେରା ପ୍ରମୁଖ ନିର୍ବାଚିତ ହୋଇଛନ୍ତି । ବୈଠକରେ ବିଭିିନ୍ନ ଡିଜିଟାଲ ମିଡିଆ ଓ ପ୍ରିଣ୍ଟ ମିଡିଆରେ କାର୍ଯ୍ୟରତ ୬୦ରୁ ଅଧିକ ସାମ୍ବାଦିକ ମାନେ ଯୋଗ ଦେଇ ସାମ୍ବାଦିକଙ୍କ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ । ଖୁବ୍ ଶୀଘ୍ର ବରିଷ୍ଠ ସାମ୍ବାଦିକ ମାନଙ୍କୁ ନେଇ ଏକ କୋର କମିଟି ଗଠନ କରାଯିବ ବୋଲି ମତ ପ୍ରକାଶ ପାଇଥିଲା । ଐହି ଅବସରରେ ନୂତନ ସଭ୍ୟ ମାନଙ୍କୁ ସଂଘରେ ଗ୍ରହଣ କରାଯାଇ ସମ୍ବର୍ଦ୍ଦନା ଦିଆଯାଇଥିଲା । ସଂଘର ପରବର୍ତ୍ତୀ ବୈଠକ ଡିସେମ୍ବର ୭ ତାରିଖରେ କରାଯିବାକୁ ନିଷ୍ପତ୍ତି ନିଆଯାଇଛି । କର୍ମକର୍ତ୍ତା ମାନଙ୍କର ଏକ ତାଲିକା ରାଜ୍ୟ ସଂଘକୁ ସ୍ୱୀକୃତି ପାଇଁ ପଠାଯିବା ପାଇଁ ନିଷ୍ପତ୍ତି ହୋଇଥିଲା । ଏଠାରେ ସୂଚନା ଯୋଗ୍ୟ ଯେ ଓଡିଶା ଡିଜିଟାଲ ମିଡିଆ ଆସୋସିଏସନ ହେଉଛି ରାଜ୍ୟ ଶ୍ରମ ବିଭାଗ ଦ୍ୱାରା ସ୍ୱୀକୃତି ପ୍ରାପ୍ତ ଏକ ସାମ୍ବାଦିକ ସଂଗଠନ ।