କେନ୍ଦ୍ରର ଅବହେଳା ରାଜ୍ୟର ବିକାଶରେ ବାଧକ ସାଜିଛି-ନବୀନ

ଭୁବନେଶ୍ୱର: ଦଳର ମୁଖିଆ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ସରିଲା ବିଜେଡିର ରାଜ୍ୟ କାର୍ଯ୍ୟକାରିଣୀ ବୈଠକ | ୯ଟି ବିଭିନ୍ନ ପ୍ରସ୍ତବାକୁ ଅନୁମୋଦନ ଦେବା ସହ ଦଳୀୟ ସମ୍ବିଧାନକୁ ସଂଶୋଧନ କରିଛନ୍ତି ସଭାପତି | ଦଳୀୟ କାର୍ଯ୍ୟକୁ ଠିକ ଭାବରେ ତୁଲାଇବା ଉପରେ ଗୁରୁତ୍ୱ ଦେଇଛନ୍ତି ସମସ୍ତ ନେତା |
ଏହି କାର୍ଯ୍ୟକାରିଣୀ ବୈଠକରେ ବିଭିନ୍ନ ରାଜନୈତିକ ପ୍ରସ୍ତାବ, କେନ୍ଦ୍ରର ଅବହେଳା ଓ ନକରାତ୍ମକ ଆଭିମୁଖ୍ୟ ରାଜ୍ୟ ବିକାଶରେ ବାଧକ ସାଜିଛି, ତଥାପି ଏ ସବୁ ସତ୍ତ୍ୱେ ସମସ୍ତ ଲୋକାଭିମୁଖୀ କାର୍ଯ୍ୟ ଜାରି ରହିବ ବୋଲି ବୈଠକରେ ମତ ପ୍ରକାଶ ପାଇଛି । ମହାବାତ୍ୟାରୁ ମହାମାରୀ ଯାଏ ସବୁ ବାଧାକୁ ଆମେ ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ମୁକାବିଲା କରିପାରିଛୁ | ମହିଳା ସଶକ୍ତିକରଣ ପାଇଁ ରାଜନୈତିକ ପ୍ରସ୍ତାବ ଦିଆଯିବ ସହ ପଞ୍ଚାୟତ ବ୍ୟବସ୍ଥାରେ ମହିଳାମାନଙ୍କୁ ସଂରକ୍ଷଣ ଦିଆଯାଇଛି ଏବଂ ବିଧାନସଭା ଓ ସଂସଦରେ ୩୩% ମହିଳା ସଂରକ୍ଷଣ ପାଇଁ ଦାବି ହୋଇଛି । ଓଡ଼ିଶାର ସଂସ୍କୃତି ଓ ଐତିହ୍ୟର ସୁରକ୍ଷା ପାଇଁ ପ୍ରସ୍ତାବ ଦିଆଯିବ ସହ ଓଡିଶୀ ନୃତ୍ୟକୁ ଶାସ୍ତ୍ରୀୟ ନୃତ୍ୟର ମାନ୍ୟତା, ଓ ଓଡ଼ିଶା ବରପୁତ୍ରମାନଙ୍କ ଗାଁକୁ ଆଦର୍ଶ ଗ୍ରାମ ହିସାବରେ ଗ୍ରହଣ କରାଯିବ ସହ ସେମାନଙ୍କ ଜୀବନୀ ପାଠ୍ୟପୁସ୍ତକରେ ସ୍ଥାନ ଦେବା ପାଇଁ କାର୍ଯ୍ୟକାରିଣୀ ବୈଠକରେ ଦାବି ହୋଇଛି | କୃଷି ହେଉଛି ଓଡ଼ିଶାର ସଂସ୍କୃତି ଓ ଓଡ଼ିଆଙ୍କର ମୂଳ ଭିତ୍ତି | ଯୁବ ପିଢିଙ୍କୁ କୃଷି ପ୍ରତି ଆକୃଷ୍ଟ କରିବା ପାଇଁ ସରକାର ପ୍ରୋତ୍ସାହନ ଯୋଗାଉଛନ୍ତି ବୋଲି କାର୍ଯ୍ୟକାରିଣୀ ବୈଠକରେ କୁହାଯାଇଛି |