ଭଦ୍ରକ(୪.୧୦.୨୨) : ଜୋରଜବରଦସ୍ତି ବଟି ଆଦାୟକୁ ବିରୋଧ କରି ଆଜି ଭଦ୍ରକ ଜିଲ୍ଲାରେ ବସ ଚଳାଚଳ ବନ୍ଦ ରହିଛି । ତେବେ ଏହି ବସ ସିଣ୍ଡିକେଟର ଡାକରାରେ ବନ୍ଦ ରହିଛି । ମଝି ରାସ୍ତାରେ ବସକୁ ଅଟାକଇ ବଟି ଆଦାୟ କରିବା ଓ ଡ୍ରାଇଭର , କଣ୍ଡକ୍ଟରକୁ ଦୁର୍ବ୍ୟବହାର କରିବା ଅଭିଯୋଗରେ ଏହି ବନ୍ଦ ଡାକରା ଦିଆ ଯାଇଛି । ଏପରି ଘଟଣା ବାରମ୍ବାର ଘଟୁଥିଲେ ମଧ୍ୟ ପୋଲିସ କୌଣସି ପଦକ୍ଷପ ନ ନେଉଥିବାରୁ ବସ ସଂଘ ଏପରି କରିଛି ।   ପାର୍ବଣ ପାଇଁ ଅନ୍ୟ ଜିଲ୍ଲାରୁ ବାଲେଶ୍ୱର ଦେଇ ଯାଉଥିବା ବସ୍  ସ୍ୱାଭାବିକ ଭାବେ ଚଳାଚଳ କରୁଛି ।  ଟାଉନ ଥାନା ପୁଲିସ ପହଞ୍ଚି ଭଦ୍ରକ ବସ୍ ସିଣ୍ଡିକେଟ ସହ ଆଲୋଚନା କରୁଛି। ଗତକାଲି କିଛି ଅସାମାଜିକ ବ୍ୟକ୍ତି ଭଦ୍ରକର ୬ ଖଣ୍ଡ ବସ୍‌କୁ ସୋରରେ ଅଟକାଇ ବଟି ମାଗିଥିଲେ। ବଟି  ନ ଦେବାରୁ ଡ୍ରାଇଭର ଓ କଣ୍ଡକ୍ଟରଙ୍କୁ ସେମାନେ ଦୁର୍ବ୍ୟବହାର କରିଥିବା ଭଦ୍ରକ ବସ୍ ସିଣ୍ଡିକେଟ ଅଭିଯୋଗ କରିଛି।