ଆସନ୍ତା ୧୫ରେ ଚନ୍ଦନଯାତ୍ରା; ହୋଇପାରେ ସିଧା ପ୍ରସାରଣ

ପୁରୀ-୧୧.୦୫.୨୦୨୧, ଆସନ୍ତା ୧୫ ତାରିଖରେ ପ୍ରସିଦ୍ଧ ଚନ୍ଦନଯାତ୍ରା ଅନୁଷ୍ଠିତ ହେବାକୁ ଯାଉଛି । କୋଭିଡ କଟକଣା ମଧ୍ୟରେ ନରେନ୍ଦ୍ର ପୁଷ୍କରିଣୀରେ ହେବ ଚନ୍ଦନ ଯାତ୍ରା। ଏଥିପାଇଁ ପ୍ରସ୍ତୁତି ପର୍ବ ଆରମ୍ଭ କରି ଦେଇଛି ଶ୍ରୀମନ୍ଦିର ପ୍ରଶାସନ । ରାଜ୍ୟରେ କରୋନା ମହାମାରୀ ଆତଙ୍କ ସୃଷ୍ଟି କରିଥିବାବେଳେ । ଏଭଳି ପରିସ୍ଥିତିରେ କରୋନା କଟକଣା ଭିତରେ ବିନା ଭକ୍ତରେ ଚନ୍ଦନଯାତ୍ରା କରିବାକୁ ଶ୍ରୀମନ୍ଦିର ପ୍ରଶାସନ ନିଷ୍ପତି ନେଇଛି । ତେବେ କରୋନା ପାଇଁ ଚନ୍ଦନ ଯାତ୍ରାରେ ସୀମିତ ସଂଖ୍ୟକ ସେବାୟତ ରହିବେ ବୋଲି ନିଷ୍ପତ୍ତି ହୋଇଛି ।ଏନେଇ ଜିଲ୍ଲାପାଳ ସମର୍ଥ ବର୍ମା କହିଛନ୍ତି ଯେ, କରୋନା କଟକଣା ପାଇଁ ବିନା ଭକ୍ତରେ ଚନ୍ଦନ ଯାତ୍ରା ହେବ । ଚନ୍ଦନ ଯାତ୍ରାର ସିଧା ପ୍ରସାରଣ ପାଇଁ ଉଦ୍ୟମ କରାଯାଉଛି । ଚନ୍ଦନ ଯାତ୍ରା ପାଇଁ କେବଳ ୫୦ /୬୦ ଜଣଙ୍କୁ ଅନୁମତି ଦିଆଯିବ । ନୀତି କାନ୍ତିରେ ସାମିଲ ହେବାର ୭୨ ଘଣ୍ଟା ପୂର୍ବରୁ ଆରଟିପିସିଆର ଟେଷ୍ଟ କରାଯିବ । ଏନେଇ ଆଜି ଏସଓପି ଛତିଶା ନିଯୋଗ ବୈଠକରେ ଚୂଡାନ୍ତ ହେବ ।