ବଦଳିବ ଯୁକ୍ତ୨ ପରୀକ୍ଷା ଶୈଳୀ
ଭୁବନେଶ୍ୱର, ଚଳିତ ବର୍ଷ ଯୁକ୍ତ ୨ ପରୀକ୍ଷା ନୂତନ ଢ଼ାଞ୍ଚାରେ ହେବ । ଏନେଇ ସୂଚନା ଦେଇଛନ୍ତି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ । ୫୦ପ୍ରତିଶତ ମଲଟିପୁଲ ଚଏସ୍ ର ପ୍ରଶ୍ନ ପଡ଼ିବ । ପ୍ରତ୍ୟେକ ପ୍ରଶ୍ନର ଉତ୍ତର ପାଇଁ ୧ନମ୍ବର ମିଳିବ । ପ୍ରଶ୍ନପତ୍ରରେ ହାରାହାରି ୩୦ପ୍ରତିଶତ ସଂକ୍ଷିପ୍ତ ଉତ୍ତରମୂଳକ ପ୍ରଶ୍ନ ରହିବ । ସଂକ୍ଷିପ୍ତ ଉତ୍ତରମୂଳକ ପ୍ରଶ୍ନର ମୂଲ୍ୟ ୨ କିମ୍ବା ୩ ରହିବ । ପ୍ରଶ୍ନପତ୍ରରେ ହାରାହାରି ୨୦ପ୍ରତିଶତ ଦୀର୍ଘ ଉତ୍ତରମୂଳକ ପ୍ରଶ୍ନ ରହିବ । ଦୀର୍ଘ ଉତ୍ତରମୂଳକ ପ୍ରଶ୍ନର ମୂଲ୍ୟ ୫ନମ୍ବର ରହିବ । ଛାତ୍ରଛାତ୍ରୀମାନେ ନିଜ କଲେଜରେ ହିଁ ପରୀକ୍ଷା ଦେବେ । କିନ୍ତୁ ଏପର୍ଯ୍ୟନ୍ତ ପରୀକ୍ଷା ଫି କୁ ନେଇ କୌଣସି ନିଷ୍ପତ୍ତି ହୋଇନାହିଁ କହିଛନ୍ତି ମନ୍ତ୍ରୀ ।