ରାଷ୍ଟ୍ରୀୟ ବାଲ ପୁରସ୍କାର ବିଜେତା ଅନ୍ବେଷଙ୍କୁ ଟ୍ୱିଟ କରି ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ ଓ କେନ୍ଦ୍ରମନ୍ତ୍ରୀ

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଷ୍ଟ୍ରୀୟ ବାଲ ପୁରସ୍କାର ବିଜେତା ଅନ୍ବେଷଙ୍କୁ ଟ୍ୱିଟ କରି ଅଭିନନ୍ଦନ ଜଣାଇଛନ୍ତି । ଅନ୍ବେଷଙ୍କ ସମେତ ଦେଶର ୩୨ ବିଜେତାଙ୍କୁ ଟ୍ୱିଟ କରି ଅଭିନନ୍ଦନ ଜଣାଇଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କହିଲେ ଆମ ପିଲାମାନେ ହିଁ ଆତ୍ମନିର୍ଭର ଭାରତ ଗଠନର ପ୍ରମୁଖ ଅଂଶୀଦାର ହେବେ | ଏହି ପିଲାମାନଙ୍କ ସଫଳତା ଅନ୍ୟ ପିଲାଙ୍କୁ ପ୍ରେରଣା ଯୋଗାଇବ । ସେମାନଙ୍କ ସ୍ବପ୍ନ ପୂରଣ ଦିଗରେ ଉତ୍ସାହିତ କରିବ |
ସେପଟେ ଆଜି ସମସ୍ତ ରାଷ୍ଟ୍ରୀୟ ବାଲ ପୁରସ୍କାର ବିଜେତାଙ୍କ ସହ କଥା ହେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପୁରସ୍କାର ପାଇଁ ମନୋନୀତ ୩୨ ଜଣ ପିଲାଙ୍କ ମଧ୍ୟରୁ ଓଡ଼ିଶାର ଅନ୍ବେଷ ଶୁଭମ ପ୍ରଧାନ ଖୋର୍ଦ୍ଧା ଜିଲାପାଳଙ୍କ କାର୍ଯ୍ୟାଳୟରୁ ମୋଦିଙ୍କ ସହ କଥାହେବେ ।